渝味曉宇重慶老火鍋 (聚賢逸居) (Closed)

早排疫情下去食，不用book, 直接入座，可能西區關係，起碼7成客人係煲冬瓜人，香港人佔好少數。朋友唔食得辣，咁就一邊麻辣少辣，一邊芫茜皮蛋湯底，個皮蛋湯底好清好淡味，麻辣嗰邊正常！呢度幾好嘅地方係好多食物都可以揀半份，兩個人食，魚、蝦，每碟得4件，每人試到兩件，但咁叫法，其實都唔平。麻辣火鍋，一定要叫少少內臟去吸湯底，所以嗌咗鴨血、魚膘！蔬菜正常冇特別，呢餐食咗七百幾，其實唔係嗌得好多嘢食，起碼冇頂心口嘅感覺！食麻辣火鍋，都係北上食，化算得多，橫掂呢度裝修、環境、食客，同喺大陸嘅麻辣火鍋店差不多！