Reserva Ibérica Tapas Bar & Restaurant (灣景中心) (Closed)

男朋友最近同我食咗一間灣仔嘅西班牙餐廳都好滿意，而且呢間餐廳提供嘅套餐都好抵！今次我哋就係下午時間嚟到呢一間餐廳，見到佢哋推出咗個半自助嘅lunch set套餐，望落Menu啲食物都幾啱食，所以就是決定試吓。一開始我同男朋友都去咗自助吧揀咗啲青椒仔、火腿、同埋新鮮蔬菜整咗個沙律食下先。男朋友就揀咗呢一個「香煎三文魚」，三文魚食落好香，佢仲要拿捏得非常之外皮有少少香脆，魚肉食落又有啲魚油香。而我就揀咗呢一款「香煎伊比利亞豬胛肉」，同樣煎嘅時間都掌握得非常之好，豬胛肉食落都幾鬆軟，仲要肉汁豐富，價錢相當之抵食呀。之後我哋仲去揀咗啲甜品冬甩同埋小蛋糕作為飯後甜品，呢個午餐真係非常之豐富呀🥰