居酒屋·姫 (Closed)

呢間位於尖沙咀天文臺道嘅日式居酒屋·姫，聽好多人介紹過佢哋嘅CP值好高，呢次專登過嚟一試究竟。山椒麻辣海鮮鍋：呢個海鮮鍋嘅用十足，有滿滿嘅海鮮，好似有日本蜆、海蝦、蝦丸、太子貝、青口同埋文甲魷魚等，佢哋啲海鮮夠新鮮，口感彈牙爽口，又夠鮮甜，尤其海蝦同日本蜆。而且呢排天氣轉冷，食呢個鍋就啱啱好，仲帶陣陣麻辣，夠哂惹味。厚燒玉子壽司呢款玉子壽司同出面好唔同，佢係用兩大塊勁厚嘅玉子夾住一丁點嘅壽司飯，甜甜嘅玉子，滿滿嘅蛋香，係玉子迷必食之選，食完勁滿足。八代海苔吞拿魚腩卷壽司卷入面除咗有滿滿嘅吞拿魚蓉之外，仲有咸香味濃郁嘅芝士，兩者嘅味道出奇地夾，咸香嘅芝士可以完美突出吞拿魚所帶嘅鮮味，令卷物食落味道更加豐富。