吉豚屋吉列豬扒專門店

Open Now

Now Closed

講起過江龍餐廳，之前都介紹左好多，不過今次想介紹一間相比起其他餐廳冇咁高調，但係性價比十足嘅日本過江龍餐廳。其實呢間餐廳已經嚟咗香港有一段日子，仲要位於彌敦道鬧市位置，不過可能冇乜宣傳所以就好少人知。其實佢喺日本係一間好出名嘅連鎖式吉列豬排專門店，喺全日本仲有超過300間分店，有20幾年歷史㗎喇。呢間餐廳嘅套餐大部份都唔超過$100，對比起其他過江龍嘅吉列豬扒店黎講，佢嘅CP值真係超高！而且佢哋跟隨返日本嘅做法可以選擇份量，啱晒我呢啲想食多幾樣野既人。我哋今次就叫咗個細嘅滑蛋吉列豬扒丼同埋一份吉列炸蝦雞扒定食，加埋都係$200有找勁抵食。整體味道我覺得合格以上，可能係因為即場烹調嘅關係，所以佢哋嘅炸物都好鬆脆唔會淋晒，而且絕對唔會因為定價太平而去減低食物嘅份量。雖然佢哋嘅質素一定唔會係最高嘅級別，但係我覺得平價餐廳黎講，佢都算係高質之選，大家如果有興趣嘅話就去試吓啦！