Video
Read full review
2021-11-26
417 views
今次係第二次食，兩次都係食咗湯河~第一次叫咗豬頸肉湯河（$32），轉金邊粉金邊粉似係河粉嘅幼版，份量都唔算細，正正常常嘅水平但係個豬頸肉就有啲少啦，同埋細細舊又唔係砌得好厚咁，食落都有少少唔太滿足，但係三十幾蚊算係咁啦~第二次叫咗海南雞湯河（$35）加香茅雞翼（雙拼+5~）海南雞唔算好有雞味，但係份量都唔算少，大概有五舊左右。佢有畀雞胸位，但係食落完全唔鞋！ 雞翼嘅話唔算大隻，有好多條雞毛，同埋塊雞皮都有好多肉眼見到嘅黃色油脂。 食落去你會知道係食緊香茅雞翼，不過隻味就唔算好出，但都好好食~~河粉嘅話都中規中矩啦，但係個份量好似少個金邊粉（？）兩個粉都會跟好多芽菜，少少蔥粒，同埋嗰啲一粒粒我唔知乜鬼嘢（通常啲泰國菜都會落嗰啲呢~）🤣🤣 個湯底飲落清清淡淡，但係又唔知點解令人飲上癮，我飲曬，但係完全都唔口渴，所以佢應該都冇落味精。我同事叫咗豬頸肉拼肥牛河粉。佢就話啲肥牛都好好食！除此之外，我兩次都有叫炸春捲（$30） 一份有四條（細餐牌寫咗五條，應該係未更新） 唔清楚佢係咪即炸，因為始終唔係好熱，但係食落都好脆。我都唔知佢入面究竟係放咗啲咩餡 ，但係好好好好好好食😂一個女仔食就絕對飽嘅，
第一次叫咗豬頸肉湯河（$32），轉金邊粉
金邊粉似係河粉嘅幼版，份量都唔算細，正正常常嘅水平
但係個豬頸肉就有啲少啦，同埋細細舊又唔係砌得好厚咁，食落都有少少唔太滿足，但係三十幾蚊算係咁啦~
第二次叫咗海南雞湯河（$35）加香茅雞翼（雙拼+5~）
海南雞唔算好有雞味，但係份量都唔算少，大概有五舊左右。佢有畀雞胸位，但係食落完全唔鞋！
雞翼嘅話唔算大隻，有好多條雞毛，同埋塊雞皮都有好多肉眼見到嘅黃色油脂。 食落去你會知道係食緊香茅雞翼，不過隻味就唔算好出，但都好好食~~
河粉嘅話都中規中矩啦，但係個份量好似少個金邊粉（？）
兩個粉都會跟好多芽菜，少少蔥粒，同埋嗰啲一粒粒我唔知乜鬼嘢（通常啲泰國菜都會落嗰啲呢~）🤣🤣 個湯底飲落清清淡淡，但係又唔知點解令人飲上癮，我飲曬，但係完全都唔口渴，所以佢應該都冇落味精。
我同事叫咗豬頸肉拼肥牛河粉。佢就話啲肥牛都好好食！
除此之外，我兩次都有叫炸春捲（$30） 一份有四條（細餐牌寫咗五條，應該係未更新） 唔清楚佢係咪即炸，因為始終唔係好熱，但係食落都好脆。我都唔知佢入面究竟係放咗啲咩餡 ，但係好好好好好好食😂
一個女仔食就絕對飽嘅，不過都有聽過啲男同事話唔係好夠飽。我就覺得大食嘅人真係可能會覺得佢太細分嘅，但係呢個價錢叫多兩份，都唔係好過份啫🥰
唯一嘅缺點就係餐廳真係好細好細，唔夠20個位。四人栝通常都會畀兩個人斜對面咁坐，但係中間冇隔板。門口長期都有啲人企喺度等緊外賣， 所以可以行咗過去問下有冇位先，唔使望到好多人喺門口就即刻走。
順帶一提，有人講過個職員定唔知老細個態度好似唔係咁好。我就覺得還好啦，因為佢唔係 特登發你脾氣定係點，而係佢單純就係咁hea🤣🤣
總括而言，呢間餐廳就已經變成咗我每次返工嘅飯堂㗎啦~如果又到糧尾嘅話，都不妨一試！
豬頸肉湯河，轉金邊粉
$32
38 views
0 likes
0 comments
海南雞拼香茅雞翼湯河
$40
55 views
0 likes
0 comments
Post
