Video
Read full review
2021-10-06
75 views
呢間居酒屋有幾間分店，今日嚟到洗衣街呢一間，款式多樣化，食物都幾高質素，以下推介幾款天氣咁炎熱，前菜一定要叫返啲凍冰冰嘅食吓先，咁啱遇到呢一個全新推出嘅夏日清涼爽，有齊帆立貝、海膽、三文魚、八爪魚、魚籽，分開三個小兜仔。特別鍾意佢個三文魚，一條條，好似食麵咁又易夾，當然亦都好考廚師嘅刀工！再叫咗啲小食作為前菜：可樂蟹肉餅，雖然蟹肉就唔係幾食到，不過佢嘅脆身，香口卻係滋味無比。芝麻雞翼🐥亦係推介嘅菜式，三大隻，雞肉肥美，皮薄脆身唔油膩！燒茄子🍆比較特別，設成一條條去燒，保留咗原有嘅汁水加上木柴魚，相對清甜淡口，啱晒食飯嘅中途清一清喉嚨。主食叫咗兩款，有牛肉同魚。日本A5和牛🥩200g有8塊，上枱嘅時候職員會主動過嚟幫手，亦都會問你想要嘅熟成度。記住一定要趁熱食，嗰種油花滿口既感覺邪惡得來又好味，肉質好淋好重牛味。額外配左個蟹膏飯、麵豉湯、沙律都只係加$25蚊，啱晒我呢啲無飯不歡既人啦。鱈魚西京燒🐠價錢來講有少少貴，不過食落就知道物超所值。西京燒嘅醬汁甜甜地，外皮燒後焦脆，肉質好滑好甜，可以點上少少檸檬多一份清新嘅感覺。丸子拼盤🍘$88來講真係超級抵，裏面有三款種類(係全新餐單嚟㗎)，芝士
天氣咁炎熱，前菜一定要叫返啲凍冰冰嘅食吓先，咁啱遇到呢一個全新推出嘅夏日清涼爽，有齊帆立貝、海膽、三文魚、八爪魚、魚籽，分開三個小兜仔。特別鍾意佢個三文魚，一條條，好似食麵咁又易夾，當然亦都好考廚師嘅刀工！
再叫咗啲小食作為前菜：可樂蟹肉餅，雖然蟹肉就唔係幾食到，不過佢嘅脆身，香口卻係滋味無比。
芝麻雞翼🐥亦係推介嘅菜式，三大隻，雞肉肥美，皮薄脆身唔油膩！
燒茄子🍆比較特別，設成一條條去燒，保留咗原有嘅汁水加上木柴魚，相對清甜淡口，啱晒食飯嘅中途清一清喉嚨。
主食叫咗兩款，有牛肉同魚。日本A5和牛🥩200g有8塊，上枱嘅時候職員會主動過嚟幫手，亦都會問你想要嘅熟成度。記住一定要趁熱食，嗰種油花滿口既感覺邪惡得來又好味，肉質好淋好重牛味。額外配左個蟹膏飯、麵豉湯、沙律都只係加$25蚊，啱晒我呢啲無飯不歡既人啦。
鱈魚西京燒🐠價錢來講有少少貴，不過食落就知道物超所值。西京燒嘅醬汁甜甜地，外皮燒後焦脆，肉質好滑好甜，可以點上少少檸檬多一份清新嘅感覺。
丸子拼盤🍘$88來講真係超級抵，裏面有三款種類(係全新餐單嚟㗎)，芝士雞肉丸好香口，芝味濃郁又有咬口，點埋沙律醬更加係邪惡萬分。
最後去到飲品嘅環節，啤酒杯嘅size，價錢都係$28起，性價比好高。由於叫咗好多串燒，所以點左一杯檸檬威士忌啤一啤，嘆一嘆。令一杯蜜桃乳酸就啱晒女朋友飲，最緊要係唔會太甜！
Like 餐廳 社交平台 有不定食品優惠，仲有記住留意餐廳掛起牆上面嘅時日餐單，都會有唔同小食嘅優惠㗎！
Post
