牛気 (東薈城名店倉)

Open Now

Now Closed

去東薈城行outlet行到攰咗梗係要醫肚啦🙊🙊今日就去咗牛氣度食火鍋放題，揀咗Level 4，因為俾佢個海鮮放題吸引咗，因為係可以任食三文魚刺身🤩呢個級數可以有四款牛選擇，包括澳洲安格斯牛同埋美國極黑牛，海鮮有青口、帆立貝、蝦，仲有花膠同埋蝦滑 湯底我哋揀咗日式牛骨濃湯同埋川椒麻辣湯，有驚喜喎，日式火鍋店既麻辣湯出奇好味喎，推介一試除咗三文魚刺身，原來仲有迷你丼可以揀，有吞拿魚腩蓉、三文魚明太子同埋芥辣八爪魚，刺身質素有驚喜，唔錯唔錯！出面火鍋材料都有大約10款丸、蔬菜類、麵等等，款式都唔少 而家做緊泰式主題，前菜有青木瓜沙律同泰式鳳爪，甜品方便做緊榴槤主題，有榴槤糯米糍、榴槤巴斯克蛋糕、榴槤酥皮撻、榴槤蛋撻等等 軟雪糕除咗有牛奶味仲有泰式奶茶味，好特別呀熟食都有好多選擇，樣樣都想試，真係行到頭都暈🤣🤣🤣🤣呢個價錢可以食到火鍋放題仲有三文魚刺身，仲有咁多甜品選擇真係cp值好高呀！