河內越式料理

Open Now

Now Closed

最鐘意越南風味美食，近期就比我發現咗一間好好味嘅越南餐廳「河內越式料理」，佢已經成為咗我嘅飯堂，味道好而且CP值高。順化蕃茄蟹肉扎肉湯檬河，大大一碗，蕃茄湯底濃郁鮮美，配有豐富蟹肉同扎肉，檬粉Q彈入味。魚露雞扒撈檬，食越南嘢梗系要嗌撈檬，雞扒烤得入味，雞肉保持嫩滑，加檬汁開胃好食。想食多幾款小食，揀越南小食拼盒就最抵食，賣相唔錯，款式非常豐富，包括炸春卷、米紙卷、越南炸蝦餅、扎肉、雞翼，尤其鐘意炸春卷，金黃酥脆，裡面有豬肉、粉絲、香菇、胡蘿蔔，口感層次非常豐富。 估唔到米紙卷仲好新鮮，蝦肉鮮嫩彈牙。越南炸蝦餅香口酥脆，內裡彈牙。跟餐加野飲有優惠，越式青檸冰同龍眼冰都係非常好嘅選擇。