Video
Read full review
2021-12-27
24 views
最近成日都同朋友去尖沙咀行街，因為交通方便啲，而且最近尖沙咀都開咗好多唔同嘅新餐廳，今次去嘅就係其中一間。呢間餐廳正正就係加連威老道，本身就係一個food court入邊，呢個food court仲要走70年代嘅裝修風格，都幾得意㗎 ！我哋今次試嘅呢間小店主打係泰國菜，雖然食飯嘅選擇唔算多，但係我覺得泰國基本上最出名嘅食物都喺晒度，而且佢仲有串燒，所以我都諗咗好耐食乜好架！今次我就叫做肉碎生菜包配蒜蓉包，半打烤扇貝，沙嗲串燒炒飯同埋一個泰式炒金邊粉。肉碎生菜包我覺得都幾辣，不過配上左爽脆嘅山菜之後即刻降低左辣嘅感覺，一入口香辣嘅味道即刻刺激到你嘅味蕾，而且佢嘅肉碎都幾Juicy唔會乾，作為一個開胃菜我覺得恰到好處。我同屋企人都好欣賞佢哋既烤扇貝，店家毫不吝嗇咁樣落咗好多蒜蓉調味，所以一入口帶子嘅鮮味同埋蒜味立即喺你嘅口爆開，而且帶子隻隻都好大粒啖啖肉，絕對係必食之選！沙嗲串燒炒飯我覺得都幾特別，佢嘅炒飯用咗黑醬油烹調，而且口感QQ好似食緊糯米飯咁，而且佢嘅串燒包含晒豬肉牛肉雞肉，係抵食之選。最後我哋叫咗個泰式炒金邊粉粉，金邊跟返傳統嘅泰式風格入口偏甜，而且佢嘅金邊粉偏向濕潤，啱晒唔鍾意
呢間餐廳正正就係加連威老道，本身就係一個food court入邊，呢個food court仲要走70年代嘅裝修風格，都幾得意㗎 ！我哋今次試嘅呢間小店主打係泰國菜，雖然食飯嘅選擇唔算多，但係我覺得泰國基本上最出名嘅食物都喺晒度，而且佢仲有串燒，所以我都諗咗好耐食乜好架！
今次我就叫做肉碎生菜包配蒜蓉包，半打烤扇貝，沙嗲串燒炒飯同埋一個泰式炒金邊粉。肉碎生菜包我覺得都幾辣，不過配上左爽脆嘅山菜之後即刻降低左辣嘅感覺，一入口香辣嘅味道即刻刺激到你嘅味蕾，而且佢嘅肉碎都幾Juicy唔會乾，作為一個開胃菜我覺得恰到好處。
我同屋企人都好欣賞佢哋既烤扇貝，店家毫不吝嗇咁樣落咗好多蒜蓉調味，所以一入口帶子嘅鮮味同埋蒜味立即喺你嘅口爆開，而且帶子隻隻都好大粒啖啖肉，絕對係必食之選！
沙嗲串燒炒飯我覺得都幾特別，佢嘅炒飯用咗黑醬油烹調，而且口感QQ好似食緊糯米飯咁，而且佢嘅串燒包含晒豬肉牛肉雞肉，係抵食之選。最後我哋叫咗個泰式炒金邊粉粉，金邊跟返傳統嘅泰式風格入口偏甜，而且佢嘅金邊粉偏向濕潤，啱晒唔鍾意食乾爭爭口感嘅你，而且佢嘅有唔同嘅配料口感都幾豐富，都不錯吃。總括嚟講呢間小店嘅質素都唔錯，仲有價錢一啲都唔貴CP值都好高，大家如果行街經過嘅話都可以試吓㗎！
Post
