京滬佳餚 (亞太中心) (Closed)

驚喜下午茶 $129/2位 （包埋茶介同加一）中菜同點心我真係無法抗拒✨，見到呢間咁平又靚裝修就入去試試佢，係估唔到地有驚喜💥🔸招牌小籠包（2件）好鬼好食，勁多肉汁，皮都算薄，啜完佢啖肉汁之後再一啖擺落口，個餡都仲鎖到部分肉汁好鮮嫩🥹（小插曲：我話呢個小籠包好驚喜好好食，係咁催個frd叫佢趁熱食，跟住佢勁粗暴咁夾起掉落個碗度，我成個阿媽咁係咁diu佢暴斂天物，仲一步一腳印咁教佢點食小籠包，佢呆L左話原來食小籠包都咁有學問😂😂😂）🔸蠔皇叉燒包 （2個）size岩岩好，好鬆軟唔會硬唔會乾，feel到係即蒸即上，包皮都甜甜地會回甘咁，啲餡都係甜甜地😂，係好食嘅叉燒包🥹🔸紅油抄手 （2件）幾大粒，啲餡好飽滿，但個醬汁唔夠辣🥲🔸珍珠糯米燒賣（2粒）糯米真係好糯，呢個口感幾特別，唔係糯米飯果種硬身粒粒分明咁，佢好糯好軟熟，但又未去到痴牙嘅地步，幾煙靭，可以想象為咸嘅麻糬🔸涼菜：四喜烤麩正常發揮，唔知正宗嘅係咩味道，但我中意再甜啲嘅（應該係麵筋黎？有啲似好彈牙好有咬口嘅腐卜）🔸小菜：回鍋肉切得夠薄身易入味，同埋唔會痴牙，食多幾舊都唔會覺得好肥膩🔸主食：蔥香拌麵個麵底都幾滑少少彈牙，不過蔥香味唔夠突出