雄泰

Open Now

Now Closed

咁岩去粉嶺搵朋友，朋友話呢間海南雞平時等好耐，又咁岩平時冇乜人就入去試下。我叫左個海南雞飯同一杯泰式奶茶～本身見價錢咁平都唔會特別去expect個餐會有超水準嘅質素...但一上菜，已經見到啲雞好滑，啲飯嘅濕度適中，仲要$42蚊都算大份，食晒都唔會唔夠飽。雖然食落有啲啲漏，但唔油就唔係海南雞飯啦！油香好重好惹味，而且啲肉油得黎係走左肥膏，雞皮食落仲有輕微嘅薑蔥味，正呀！除左啲雞同個飯，個汁酸酸甜甜，點落啲食物度係將成個飯昇華冇諗過$42蚊都可以咁有驚喜呀！泰式奶茶就中規中矩，茶味好濃，甜度適中，但奶味多番少少就更好。