榮式燒雞扒 (吳松街) (Closed)

已經唔係第一次食榮式雞扒，但真係好好食！今次叫咗雞藕天成，即係2塊魷魚蓮藕餅加1塊雞扒。魷魚蓮藕餅明顯係即叫即整，嚟到非常熱，但所以非常脆口，味道剛剛好不會過鹹，正！而雞扒一貫高水準，外皮煎得鬆脆，而裏面依然嫩滑，而且非常大件。而家店內仲有新野玩，就係同其他公司合作，有3種不同辣度的辣粉提供，加埋落雞扒度食，正！當然不得不提嘅係可以任叫加薑蔥啦，可以話係為整碟飯畫龍點睛！重點係都只係五十幾蚊有埋杯熱飲。✔️總括而言：榮式雞扒的雞扒真係非常有水準，加上呢個價錢有埋嘢飲，而且選擇多，絕對值得回頭！