米炊 (AIRSIDE)

Open Now

Now Closed

今日同個仔Airside嘢食，佢好想食戶外間pizza，但因為咳，所以去左食蛋包飯。香港食蛋包飯，比起日本真係貴到不得了。但奈何小朋友鍾意食冇計😮‍💨。呢間平時喺IFC經過lunch Time一定超級多人排隊。所以一直都冇機會食。今次叫咗一個漢堡扒蛋包飯，同埋一個豬扒蛋包飯。漢堡扒蛋包飯係因為小朋友鍾意食同通常漢堡扒都一定唔會衰。但奈何呢間漢堡扒真係煎到超乾。但食得出個漢堡扒係唔差嘅，因為個漢堡扒個肉味都幾好味。豬扒都叫有豬肉味，所以都唔錯，但就整得有啲硬。兩者相比嘅話我會選擇豬扒多啲。呢間肉類份量都算多，起碼豬扒唔係一小塊咁。餐廳環境舒適，坐得舒服，飲品價錢正常，三四十蚊一杯咁。