Video
Read full review
2020-03-18
106 views
【喜來稀肉Seorae】『香港篇-油尖旺區』朋友生日又難得多人，當然要有大食大。加上天氣凍既關係，所以一定係揀D熱辣辣食到爽YY既野。萬變不離其中，一定係打邊爐/BBQ/韓燒揀一樣。今次我地就選擇左一間幾出名既韓國燒烤-喜來稀肉Seorae。呢間燒肉黎講睇IG就成日都見到好多人打卡，可能係韓流既關係會有OPPA撐場。而我本身聽就聽得多呢間餐廳，食就從來未食過，今次就真係First Blood。我地今次就有Book位Book左8點半。一黎到而家見到好多人係門口等位，我地大概等左20分鐘左右(因為有Book位)。咁我就利用呢20分鐘去睇下D Poster 同埋Menu 啦。見佢啤酒有買一送一真係唔洗諗，又黎『露營必須酒』系列。再睇埋Menu，見佢D肉同埋D韓國菜都咁上下價錢喎，心裹面就開始有種奇待同埋最終幻想，質素應該唔會差得去邊既。我地一行十一人分左兩張長台，OPPA一黎就幫我地係爐邊到加左泡菜蛋/芝士蛋同埋蒜片，仲比左幾碟配菜包括有泡菜同埋芽菜仲有一盤生菜夾肉。入正題先，韓燒食物方面我地一黎就叫左兩頭豬同埋兩頭牛既套餐，每份套餐包括左一盤唔同部位既肉，飲品兩杯及醋飯八粒，五花肉一碟及辣
『香港篇-油尖旺區』
朋友生日又難得多人，當然要有大食大。加上天氣凍既關係，所以一定係揀D熱辣辣食到爽YY既野。萬變不離其中，一定係打邊爐/BBQ/韓燒揀一樣。今次我地就選擇左一間幾出名既韓國燒烤-喜來稀肉Seorae。呢間燒肉黎講睇IG就成日都見到好多人打卡，可能係韓流既關係會有OPPA撐場。而我本身聽就聽得多呢間餐廳，食就從來未食過，今次就真係First Blood。
我地今次就有Book位Book左8點半。一黎到而家見到好多人係門口等位，我地大概等左20分鐘左右(因為有Book位)。咁我就利用呢20分鐘去睇下D Poster 同埋Menu 啦。見佢啤酒有買一送一真係唔洗諗，又黎『露營必須酒』系列。再睇埋Menu，見佢D肉同埋D韓國菜都咁上下價錢喎，心裹面就開始有種奇待同埋最終幻想，質素應該唔會差得去邊既。
我地一行十一人分左兩張長台，OPPA一黎就幫我地係爐邊到加左泡菜蛋/芝士蛋同埋蒜片，仲比左幾碟配菜包括有泡菜同埋芽菜仲有一盤生菜夾肉。
入正題先，韓燒食物方面我地一黎就叫左兩頭豬同埋兩頭牛既套餐，每份套餐包括左一盤唔同部位既肉，飲品兩杯及醋飯八粒，五花肉一碟及辣魷魚一碟。
套餐既肉份量就認真麻麻，每人兩三塊就無得再添，好似上左雪山咁款。肉既質素真係好一般，應該好過平價任食邊爐小小。魷魚方面，我以為自己去左BBQ場，再睇一睇個價錢真係眼都突埋，係差唔多任食BBQ既一人價錢。咁唯有食番D爐邊蛋等條氣順番啦，食完爐邊蛋之後先知原來呢間餐廳CP值最高既一定係爐邊蛋。唔緊要啦，唯有寄望下D道地韓國菜。
韓國菜方面，我地就點左水冷麵、參雞湯、海鮮泡菜餅、豬肉泡菜湯及炸醬麵。先講番D麵同埋飯先，個味道就同我去開既一間連鎖韓國菜快餐店略為差點，個價錢竟然貴韓國菜快餐店大慨50%，呢鋪真係唔荒唔錢的迫降。之後再黎果個豬肉泡菜湯仲要Mini 到得一人一匙左右，我又以為自己上左雪山。最後個海鮮泡菜餅同埋參雞湯就叫左中規中距，D雞又浸到幾林幾入口，叫左加番小小分。最後我地一行人既平均消費都$320，個價錢應該可以食高質燒肉放題。
服務真係要認真講講，人手不足不在話下，仲要D OPPA搵極都唔黎講兩句都無咩耐性，好似趕住走咁款，點菜點左一半佢已經走左，之後又要搵番佢番黎叫埋其他果D。呢方面真係有待進步，可能呢D就係OPPA咁樣Style。
小小題外話，係打呢篇食評前，我上網Search 餐廳既店名已經見到一篇由名食評家係報張對呢間餐廳既食評，我表示十分認同。
如果大家想食燒肉既話，不妨考慮下個價錢夠唔夠食燒肉放題。
CP值爆燈食物推薦：爐邊蛋。
各位鍊金術士有興趣都可以試下，歡迎PM 交流下。
識食‧你都會係食の鍊金術士
石鍋拌飯
$85
2 views
0 likes
0 comments
參雞湯
$125
9 views
0 likes
0 comments
炸醬麵
$95
74 views
0 likes
0 comments
壹頭豬套餐/壹頭牛套餐
$940
7 views
0 likes
0 comments
壹頭牛套餐
$520
15 views
0 likes
0 comments
壹頭豬套餐
$420
7 views
0 likes
0 comments
爐邊蛋
12 views
0 likes
0 comments
配菜
14 views
0 likes
0 comments
辣魷魚
$150
15 views
0 likes
0 comments
MAX BEER
$62
19 views
0 likes
0 comments
Other Info. :
下單食物包括:
1.壹頭豬套餐 x 2($420/盤，餐包:飲品2杯及醋飯8粒)
2.壹頭牛套餐 x 2($520/盤，餐包:飲品2杯及醋飯8粒)
3.海鮮泡菜餅($90)
4.參雞湯($125)
5.水冷麵x 2($85)
6.豬肉泡菜湯($80)
7.石鍋拌飯($85)
8炸醬麵($95)
9.辣魷魚($150)
10.五花肉($123)
下單飲品包括:
1.燈汁($20)
2.葡萄汁($20)
3.檸檬汽水x 2(餐+$8/杯)
4.芒果汽水(餐+$8/杯)
5.西柚汽水(餐+$8/杯)
6.柚子汽水(餐+$8/杯)
7.藍莓汽水(餐+$8/杯)
8.MAX BEER x 10($60/杯)*買一送一
評分 💯 (5分為滿分)
味道 : 👍👍(質素一般，可以更好)
性價比 : 💲(食物質素與價錢完全不付)
環境：🌴🌴(場地麻麻，由其洗手間)
服務態度：🗿(人手明顯不足及缺乏耐性)
敗北地方：燒肉來講可以有更多更好的餐廳，純韓式菜來講尖沙咀韓國街相信會更出色，兩種菜式都是好麻麻。
喜來稀肉Seorae
地址: 港鐵旺角站 E 出口, 步行約7分鐘
電話: 21046882
(The above review is the personal opinion of a user which does not represent OpenRice's point of view.)
Post
