別忘了

Open Now

Now Closed

荃灣有好多間邊爐任食放題♨️，價錢都差唔多，不過如果要講食物質素嘅話，我哋都幾鍾意呢一間😆。加上呢度位於荃灣嘅天橋網絡裏面🚶🏻，舖頭仲有fancy櫻花樹🌸，真係好有台式文青嘅風格。我哋今次就嚟試吓佢嘅台式火鍋放題🇹🇼，我哋揀咗set B澳洲M7🤤，90分鐘成人$278 ，120分鐘成人$308💰。.🥘湯底呢度湯底嘅選擇夠大方，每個人可以揀一款湯底💕，所以兩個人就已經有鴛鴦鍋。我哋揀咗戀戀蕃茄湯🍅，飲落係蕃茄嘅清甜，唔會有茄膏太膩嘅感覺🙌🏻。另一款台式壽喜燒味道夠香，壽喜燒👅嘅甜味同埋醬油香，好夾烚油花感重嘅牛肉🐄。.🥩肉類牛肉望出嚟好吸引😍，精選牛板腱、澳洲卡樂BEEF、M7牛胸腹，既有肉味濃嘅選擇👅，鍾意油脂香味重啲嘅亦都得。西班牙栗飼豬梅片🐷煮出嚟都幾嫩口，配埋我哋揀嘅蕃茄湯清甜幾正🥫。花雕嫩雞肉幾高質🐔，烚完都仲係好嫩口，食得出係雞髀肉嘅部位🍗，花雕酒嘅甜香同埋酒香都醃得夠入味🍶。.🍱小食榴槤炸彈一定要試💥，裏面超級流心，外層香脆，一咬爆漿💕。澎湖花枝丸墨魚嘅味道好香🦑，加上炸香左，配埋濃郁嘅椒鹽調味好正🧂。鹽酥雞肉質唔錯，外層夠酥😆。阿嬤金錢肚牛腩汁夠香😋，而且甜味比較重，好味。