Video
Read full review
2023-04-23
114 views
去日本食串燒燒鳥都係其中一個唔錯嘅選擇，係香港想食到相同感覺口味這裡就係另一個選擇，店內裝修都有日本串燒店嘅感覺!而今晚同朋友就點了Mori Omakase內裡已包括由師傅精選燒鳥8本，燒物要了白鱔食事選了惠比壽炭火親子丼、汁物、甘物等食物，有時唔想諗食乜嘢時，食師傅發板嘅套餐都係一個唔錯嘅選擇！先點了杯三得利黑啤，入口清爽順口, 帶有微焦糖及咖啡豆香解一解喝先！師傅都快手先上燒雞軟骨，粒粒都帶點肉又有軟骨，香脆惹味！雞掌心質感十分彈牙煙韌，加上鹽燒十分香口！惠比壽雞心，師傅將雞心剖開後再炙烤，口感鮮嫩完全不覺乾身，也沒有腥味，口感都十分爽彈！雞心元口感彈牙，帶有脂肪，師傅用上醬油調味後燒，香甜彈牙，帶點點煙韌感，感覺特別！惠比壽芝麻雞柳燒，師傅將雞柳外沾滿了芝麻同櫻花蝦後燒，入口陣陣芝麻香同櫻花蝦脆身嘅口感，加上入面肉質嫩滑嘅雞柳十分好味！這個蛋黄潰免治雞肉棒亦好有特色，師傅用上了蛋黄潰，再加上燒得外皮香脆加上雞肉香氣，雞肉口感軟綿，入口肉汁濃，十分美味！惠比壽梅子雞胸，用上梅子醬再加上紫蘇葉包住雞胸來燒，口感更細嫩滋味有回甘韻味！燒雞肝師傅燒得外層帶有點脆度，咬開後裡面是很細緻柔軟
店內裝修都有日本串燒店嘅感覺!而今晚同朋友就點了Mori Omakase內裡已包括由師傅精選燒鳥8本，燒物要了白鱔
食事選了惠比壽炭火親子丼、
汁物、甘物等食物，有時唔想諗食乜嘢時，食師傅發板嘅套餐都係一個唔錯嘅選擇！
先點了杯三得利黑啤，入口清爽順口, 帶有微焦糖及咖啡豆香解一解喝先！
師傅都快手先上燒雞軟骨，粒粒都帶點肉又有軟骨，香脆惹味！
雞掌心質感十分彈牙煙韌，加上鹽燒十分香口！
惠比壽雞心，師傅將雞心剖開後再炙烤，口感鮮嫩完全不覺乾身，也沒有腥味，口感都十分爽彈！
雞心元口感彈牙，帶有脂肪，師傅用上醬油調味後燒，香甜彈牙，帶點點煙韌感，感覺特別！
惠比壽芝麻雞柳燒，師傅將雞柳外沾滿了芝麻同櫻花蝦後燒，入口陣陣芝麻香同櫻花蝦脆身嘅口感，加上入面肉質嫩滑嘅雞柳十分好味！
這個蛋黄潰免治雞肉棒亦好有特色，師傅用上了蛋黄潰，再加上燒得外皮香脆加上雞肉香氣，雞肉口感軟綿，入口肉汁濃，十分美味！
惠比壽梅子雞胸，用上梅子醬再加上紫蘇葉包住雞胸來燒，口感更細嫩滋味有回甘韻味！
燒雞肝師傅燒得外層帶有點脆度，咬開後裡面是很細緻柔軟的口感，配埋醬汁入口平時少口內臟嘅我都覺得十分好味！
當8本串燒完成，店員就安排惠比壽炭火親子丼，香脆紫菜絲鋪在洋蔥及蛋花上方， 還有冬菇絲，配埋用上炭燒嘅雞肉，加上醬汁入口，在口中有陣陣強烈香甜炭燒嫩滑雞肉味道！
除此之外還有燒白鱔，白鱔皮燒得微脆的口感，入口滿嘴都係魚脂，沒有半點腥味！
還有個汁物以雞煮成嘅鮮甜雞湯入口鮮甜清新！最後跟餐甘物就係紅豆奶凍，紅豆十分香甜，奶凍有濃郁奶味之餘入口細滑！
今晚哩個set 真係食得飽飽滿足，如果散點都差不多，到不如選擇這個廚師發板！店員服務殷勤，師傅亦很落力地燒，整晚忙個不停！
Post
