Video
Read full review
2020-10-29
540 views
父親大人生日，妹妹搵到呢間餐廳，雖然喺香港藝術中心咁山卡啦，但$298仲要第二位半價，咁抵唔係唔食下話。4個人食都試到成個menu嘅八成🤣 前菜部分Burrata Cheese 平時食呢個係得一片片鮮蕃茄加芝士，口感清新。但呢度蕃茄嘅部分，係用乾蕃茄加almond homemade pesto sauce 整成嘅醬，成件事惹味d, 好食又特別。Soup of the day 入面都幾多雜菜，湯係稀身嗰種，唔會太酸又有雜菜味，係個幾好味嘅蕃茄雜菜湯。Antipasti 拼盤啱晒貪心的人，可以樣樣試下，有少少蔬菜沙律，Burrta Cheese, 一薄片肉腸同一塊ham. 食左個 ham, 唔會死咸，下面加埋塊哈密瓜嘅爽甜，成件事幾好。 Wagyu Beef Carrasco d生和牛片牛味幾濃，不過個人唔太鐘意咁多橄欖油，搶左d牛味，不過好彩有Parmigiano Cheese 同芹葉，令到件事冇咁油膩。 主菜部分Pizza Salsiccia and Funghi 個批底幾好，唔厚，脆得黎唔會太乾身，d配料都係基本野，茄汁芝士肉腸同蘑菇。Catch of the day 中文就寫是日烤
前菜部分
Burrata Cheese 平時食呢個係得一片片鮮蕃茄加芝士，口感清新。但呢度蕃茄嘅部分，係用乾蕃茄加almond homemade pesto sauce 整成嘅醬，成件事惹味d, 好食又特別。
Soup of the day 入面都幾多雜菜，湯係稀身嗰種，唔會太酸又有雜菜味，係個幾好味嘅蕃茄雜菜湯。
Antipasti 拼盤啱晒貪心的人，可以樣樣試下，有少少蔬菜沙律，Burrta Cheese, 一薄片肉腸同一塊ham. 食左個 ham, 唔會死咸，下面加埋塊哈密瓜嘅爽甜，成件事幾好。
Wagyu Beef Carrasco d生和牛片牛味幾濃，不過個人唔太鐘意咁多橄欖油，搶左d牛味，不過好彩有Parmigiano Cheese 同芹葉，令到件事冇咁油膩。
主菜部分
Pizza Salsiccia and Funghi 個批底幾好，唔厚，脆得黎唔會太乾身，d配料都係基本野，茄汁芝士肉腸同蘑菇。
Catch of the day 中文就寫是日烤魚，但好豐富，除左魚，仲有蜆同青口。d海鮮好新鮮，個魚皮脆唔腥，蜆又大粒冇沙食到d鮮味，素來至憎青口都擺到落口，幾好。
Spinocini Pasta Crab A.O.P 幾多蟹肉，蕃茄乾令到件事清新左，第一次食Spinocini, 個質地幾好幾有彈性又唔會煮到太淋。
Australian Pure Black Angus Flat Iron
叫左medium, 冇煮得過熟，牛味濃質感嫩，油脂感唔會太重，個汁同Flat Iron又夾，薯蓉好creamy, 正。
甜品時間
Assaggio Tiramisu 唔會太甜，Mascaprone Cheese 打得好滑，lady finger唔會太濕咖啡味夠。
Caramel Panna Cotta 奶凍夠滑唔會好硬，Caramel如果煮得再燶d同脆嘅話，就更完美。
Signature Lemon Cake 純粹用黎同爸爸慶生攞黎插蠟燭，係夠檸檬味，但質地冇乜驚喜。
戴定頭盔先，都食左一段時間，優惠可能會唔同左，不過野食cp值好高，就算收正價都值🙂
Post
