Video
Read full review
2024-09-06
97 views
黑布唔係第一次食，但喺大角嘴開左之後就係第一次。之前食鹵肉飯同爆餡多士，味道非常好，就黎睇下新店有咩新野試。我兩個人，平日七點去到，唔洗等位，但食食下就滿座。再食多士，又想試新野，所以我地叫左超多野食。慢烤雞腿芝士蛋多士多士對切，芝士同蛋漿溶埋一齊，賣相相當吸引芝士既量非一般多，咬開每一啖都拉絲。拉絲芝士配埋蛋漿，口感同味道都豐富濃郁。慢烤雞腿肉大舊得黎又嫩滑，調味岩岩好。食完會超級滿足既多士！台式香腸台式腸烤到表皮香脆，咬落去係卜一聲。實實在在既豬肉餡有肥同有瘦肉，平衡得岩岩好，唔會柴又唔會成口油。口感實在，味道又夠惹味，送飯送酒都好fit。芝士火腿肉鬆蛋餅蛋餅捲埋又粗又長，份量十足。餡料簡直係滿載，包滿左肉鬆、火腿、蛋、蔥同芝士，超級豐富。蛋餅同多士用既芝士唔同，但量都係多，一樣都係溶哂，好正餡咁多，味道同口感都好豐富，而且蔥既量比一般食既多，食起黎更加香同清新。雞髀肉蔥油拌麵拌麵都係大大一碗，雞髀肉兩塊厚既，但望落都睇到唔會乾拌麵蔥油好夠味，好似唔洗送都可以就咁食哂。雞髀醃得夠入味，口感嫩滑，啖啖肉。酸菜非一般，係非一般既辣，原來撈喺入面既辣椒粒唔係吊一吊味或者裝飾下，係真係俾左
我兩個人，平日七點去到，唔洗等位，但食食下就滿座。再食多士，又想試新野，所以我地叫左超多野食。
慢烤雞腿芝士蛋多士
多士對切，芝士同蛋漿溶埋一齊，賣相相當吸引
芝士既量非一般多，咬開每一啖都拉絲。拉絲芝士配埋蛋漿，口感同味道都豐富濃郁。慢烤雞腿肉大舊得黎又嫩滑，調味岩岩好。食完會超級滿足既多士！
台式香腸
台式腸烤到表皮香脆，咬落去係卜一聲。實實在在既豬肉餡有肥同有瘦肉，平衡得岩岩好，唔會柴又唔會成口油。口感實在，味道又夠惹味，送飯送酒都好fit。
芝士火腿肉鬆蛋餅
蛋餅捲埋又粗又長，份量十足。餡料簡直係滿載，包滿左肉鬆、火腿、蛋、蔥同芝士，超級豐富。蛋餅同多士用既芝士唔同，但量都係多，一樣都係溶哂，好正
餡咁多，味道同口感都好豐富，而且蔥既量比一般食既多，食起黎更加香同清新。
雞髀肉蔥油拌麵
拌麵都係大大一碗，雞髀肉兩塊厚既，但望落都睇到唔會乾
拌麵蔥油好夠味，好似唔洗送都可以就咁食哂。雞髀醃得夠入味，口感嫩滑，啖啖肉。酸菜非一般，係非一般既辣，原來撈喺入面既辣椒粒唔係吊一吊味或者裝飾下，係真係俾左辣
但呢個突如其來既酸辣，幫撈麵帶黎左刺激，令佢更有層次。
甜不辣
唔知係我前幾個月去台灣冇試到太多甜不辣定咩，我覺得佢地呢個炸甜不辣仲好食過我喺台灣食到既
薄身但大大一塊，外皮由其外圈炸到酥脆，入面雖然薄身，但依然保留到濕潤同煙韌。配埋甜酸但唔係點辣既醬汁，口感同味道都一流。
冬瓜茶
甜度適中，味道正常，係熟悉既冬瓜茶味。
桂花雪梨羅漢果茶
唔會太甜，飲到甘甘甜甜既羅漢果味，清熱解毒，岩哂呢個天氣飲。
食物水準非常唔錯，係附近番工既我諗唔到食咩既時侯，又多間餐廳可以揀😆
Post
