Video
Read full review
2020-05-08
34881 views
襯母親節就同大家介紹啲好嘢😏之前W Hotel做promotion 午市自助餐連埋加一$238 所以我哋就買左兩張黎試下 我哋原本仲以為佢減咁多 可能啲嘢食會少啲 點知完全唔會 CP值高到不得了😍😍可惜個已經無得再買 我男朋友話早知應該買多幾張 賣翻出去都開心😈😂😂而且呢度係對住落地大玻璃食嘢 有自然光 影相超靚 而且都食得超開心🥳·熱食海鮮拼盤呢個係唔需要出去攞嘅 佢係你坐低佢就會幫你落單之後攞比你😌佢個龍蝦都幾大隻 係淡味少少既龍蝦 但係都唔錯 好多膏🦞我自己就鍾意個長腳蟹多啲 佢海水味重啲 食落開心啲🦀️佢個蝦我男朋友都話唔錯 又係好多膏🦐佢個青口就細粒少少啦 但係都OK嘅🙊·佛跳牆呢一個係每人都有一盅嘅 呢一個真係超級推介😍😍佢入邊係有花膠 鮑魚 花菇 真係超足料 而且出嚟係超入味 每一啖都勁多精華🤤佢黎到既時候仲係滾辣辣 而且啲雞肉係煲完之後都仲係好味 呢個超推介😋·海鮮區呢啲就係我哋自己出去攞嘅凍海鮮 佢其實種類同質素都係同熱海鮮嗰啲差唔多 係多咗麵包蟹同埋翡翠螺個螺都ok既 但係我自己覺得佢味又係比較淡 要點佢個醬先夠味🤭至於佢個麵包蟹超多膏 而且啲肉都幾好食 但係我本人都
·
熱食海鮮拼盤
呢個係唔需要出去攞嘅 佢係你坐低佢就會幫你落單之後攞比你😌佢個龍蝦都幾大隻 係淡味少少既龍蝦 但係都唔錯 好多膏🦞我自己就鍾意個長腳蟹多啲 佢海水味重啲 食落開心啲🦀️佢個蝦我男朋友都話唔錯 又係好多膏🦐佢個青口就細粒少少啦 但係都OK嘅🙊
·
佛跳牆
呢一個係每人都有一盅嘅 呢一個真係超級推介😍😍佢入邊係有花膠 鮑魚 花菇 真係超足料 而且出嚟係超入味 每一啖都勁多精華🤤佢黎到既時候仲係滾辣辣 而且啲雞肉係煲完之後都仲係好味 呢個超推介😋
·
海鮮區
呢啲就係我哋自己出去攞嘅凍海鮮 佢其實種類同質素都係同熱海鮮嗰啲差唔多 係多咗麵包蟹同埋翡翠螺個螺都ok既 但係我自己覺得佢味又係比較淡 要點佢個醬先夠味🤭至於佢個麵包蟹超多膏 而且啲肉都幾好食 但係我本人都係鍾意食熟既蟹多啲🦀️蟹腳除外😈不過大家如果食完想encore嘅話就記住一開始攞埋 因為我哋臨走嘅時候再食多咗一round覺得第二轉啲海鮮好似比較雪 冇咁好食keke
·
煲仔區
我自己覺得佢啲熱食都做得幾出色 佢有好多呢啲細細煲嘅小菜 大食嘅我哋梗係將每一款都試晒😈佢最好食係個花菇炆鵝掌 勁入味 我哋encore左兩次😌之後佢個三杯雞又係做得勁出色 超級惹味 而且熱辣辣 而且個雞好嫩 另外個泰式炒蜆我自己都覺得唔錯 佢個汁好重椰汁味 一開始食覺得一般般 但係越食越好味😋
·
亂黎區
點心方面我哋試咗小籠包 佢比我想像中都好食幾多 入邊個餡料做得好好 係個皮厚左少少🤭另外佢有個鵝肝都好好食 個油脂好好😎個吉列和牛都好食 係有少少筋 所以口感差少少🥩佢另外仲有即炸既天婦羅 可惜麻麻哋 佢個南瓜唔夠淋 個皮都唔夠脆 所以有少少失望明明佢係即炸🙊反而佢個紫菜天婦羅好好食🤤我哋另外試咗一舊唔知係咩嘅壽司 不過佢有啲腥🙊🙊所以大家都係唔好好似我地咁大膽😂另外佢仲有個芝麻三文魚我超鍾意encore多左一次 佢個口感係好似吞拿魚咁 個調味真係做得好出色 而且細細樽 好開心🥳最後我哋仲試埋佢個西蘭花忌廉湯 佢碗湯真係好完美既綠色 勁重西蘭花味 超級健康而且真係好濃🥦
·
甜品區
佢有個即嗌即整既crepe 望落超吸引 但係我覺得個crepe就真係比較一般 反而佢個朱古力醬係超濃 超好食😎另外佢有movenpick雪糕 超級開心 佢仲有好多配料俾你揀 我哋就揀咗bread crumbs同埋花生 超夾🥜之後係cakes方面我哋再次攞左大部分😏佢個朱古力mousse個樣就好靚啦 但係食落比較一般 另外個藍莓芝士蛋糕都係普通水準 反而我覺得個creme brûlée超級好食 佢個焦糖面脆到不得了 另外仲有個牛奶朱古力撻都唔錯 幾好食 幾濃🤤🤤
·
呢度啲Staff服務真係超好 超級有禮貌 好細心咁幫我地換碟😆同埋我哋最後基本上每樣野都食咗 因為呢度啲Staff係真係會夾一件比你 唔會比好多配菜 你就可以留多啲位試曬所有野😈
·
📍尖沙咀柯士甸道西1號港鐵九龍站香港W酒店6樓
Post
