堅離地 7 PO (Closed)

呢度既裝修好靚, 掛左幾盞土耳其燈, 牆上面都擺左啲土耳其特色裝飾同用品🇹🇷 呢度既食物選擇都幾多, 不過今次我地好快已經鎖定左想食既野😍 串燒🍢($58)3串雞肉3串豬肉, 燒得相當好食幾嫩口一啲都唔乾👍🏽 豬既調味胡椒味比較重再帶啲孜然既味道, 雞方面就帶少少辣相當惹味😋黃乳酪雞配中東皮塔餅🐓($136)加左乳酪既黃咖喱食落更加惹味, 配上嫩滑既雞肉, 粟米芯, 洋蔥等等既配料擺落塊好香牛油味既中東皮塔餅度超級襯, 好食到連啲汁都想食曬😂鵝肝黑松露意大利飯🥘($168)超香黑松露同牛油味既意大利飯有大量菇類係入面, 最驚艷到我地既係香面不膩既鵝肝煎得好好食, 完全一啲都唔騷, 反而係鴨香, 呢個飯超正🤤呢間小店除左裝修靚之外食物質素都極高, 食物都係即叫即整, 保証你會食到熱辣辣既菜, 真心推薦大家黎食😎堅離地 7 PO (佐敦)📍佐敦文苑街25-47號文輝樓地下31號舖🚊柯士甸站A出口⏰MON-SUN 11:30-00:00