森戶 (官塘立成大廈) (Closed)

大部分居酒屋都係尖沙咀呀天后呀，終於比我同男朋友搵到間係觀塘區，森戶係牛頭角站A出口行幾分鐘就到，門面唔大，但好日式，內裡裝修都好骨子，藍色同木系為主餐牌選擇多，全部都好吸引，於是我地同侍應講我地鍾意食咩，交比廚師發辦廚師考慮到我地嘅食量同喜好，揀左以下4款食物💛特上北海丼 $198（拖羅、油甘魚、三文魚、帶子、牡丹蝦、海膽、三文魚籽）刺身多過飯，海膽超鮮甜，拖羅食落口油脂浪浪下，全部刺身都好厚身大塊！💛壽司拼盤 $188（拖羅、三文魚、油甘魚、帶子、金線鯛、池魚、真鯛、甜蝦、三文魚籽、拖羅碎）拖羅同油甘魚係我至愛，比起刺身飯嘅拖羅更勝一籌，每件嘅飯量唔會多，女仔絕對可以食晒10件建議食左拖羅碎同三文魚籽先，以免紫菜淋左影響口感💛燒白膳 $88/2串好新鮮、厚肉、彈牙，外脆內嫩滑💛雞翼 $48/2串好貼心剪開左隻雞翼黎燒，又入味又易食食得超滿足，會再去！