雲壽司 (聯成商業中心)

Open Now

Now Closed

呢間位於銅鑼灣既雲壽司，主打係食壽司／丼飯，佢都有幾多幾抵食既lunch set，下午茶同宵夜時段仲有8折添。佢店舖size唔大，主要係bar seat，都好啱自己黎一人浪漫。我今日叫左個老闆推薦既壽司拼盤一人餐（$168），佢都幾豐富，有刺身×2+壽司×5+迷你饅魚飯。食落都十分之新鮮同有份量，好飽！首先要讚下個刺身，有兩枚厚切三文魚腩，同埋兩枚特大帶子刺身。三文魚腩十分厚切新鮮，帶子亦無食過咁大粒，食落都彈牙有鮮味。好味！另外，佢5件壽司有赤蝦，左口魚邊，真鯛，吞拿魚面頰肉同埋三文魚籽壽司。最中意係赤蝦同左口魚邊，赤蝦厚身彈牙又膠質，左口魚邊魚油味香入口即溶，好正！最後，呢個餐既主角黎啦！雖然佢話迷你，但佢一啲都唔迷你既饅魚飯。三件十分之肥美有光澤既饅魚，食落好肥美好香，醬汁味濃，配埋煙靭軟柔既珍珠米，大滿足！✏️總括而言，性價比都唔錯，佢午餐下午茶都好抵食。