一起食堂 (軒尼詩道)

Open Now

Now Closed

呢排好耐無食台灣菜，最近就同朋友去左灣仔既【一起食堂】食lunch。星期六日都有lunch同下午茶時段。 紅燒三寶牛肉麵：包括牛𦟌、牛丸同牛筋腩條，紅燒湯底非常惹味、蔬菜牛肉都非常入味，麵係烏龍面，好大碗。另外旁邊仲有小菜 夏日限定日式清酒蜆烏龍面：清酒蜆起碼都有20幾30隻，分量超多，湯底好清甜。 鹽酥鷄：分量非常多，性價比超級高，新鮮炸起好香脆同juicy。 酥炸地瓜條：都係新鮮炸起，而且可以自己落話梅粉，酸甜酥脆。 仙草奶茶：仙草超級多，奶味偏濃 愛玉鳳梨綠茶：愛玉反而比較少，但鳳梨味好濃。 芋圓仙草凍（迷你）：lunch 加$14可以加配，芋圓味濃，飯後黎一碗不錯。