江浙滬 (堪富利士道) (Closed)

今晚星期五放工要鬆一鬆，相約朋友在尖沙咀The One 等，因朋友乘港鐵過來，於是改了位置，在堪富利士道A2出口，她未到就四圍望望有什麼好地方，抬頭一望就見這裡，上到去個網修好有feel!夠晒中式口味，好似身在一個古色古香嘅平行時空內！而這裡主打上海菜，餐紙款式多，價錢都唔貴，當然必食推介嘅招牌鮮肉小籠包，皮薄之餘內裡充滿肉汁一啖入口差點就被燙到，加埋個醋汁入口，真係十分好味，呢個真係做到皮薄餡靚，正！而另一個就係上海燻魚，燻魚燻得好香，加埋帶點酸甜，十分開胃醒神，啖啖肉，雖然都有魚骨，但唔係好多，外面脆口，味道濃郁，配飯入口佳品！加埋個川味泡菜蝦仁炒飯，一碟滿滿，呢個價錢絕對比平時嘅份量多，不是只有飯，而是材料都十足份量，每粒飯都炒得好均勻，粒粒米都好上色，而每啖飯都有帶點刺激嘅泡菜，還有大大隻嘅爽口蝦仁，食完真係十分之滿足！份量足連甜品都沒有空間了！下次又多個地方用價廉就可以品嘗到出色嘅上海菜了！