2
0
0
Level2
10
0
CP值高嘅外賣小店
2023-06-08 273 views
尋日收完工夜晚8點幾，好肚餓，路經悅湖商場，畀我見到賣半西式嘢嘅「小鎮廚房」有開張優惠，鍾意食西式嘢嘅我見到個價錢咁吸引就緊係要試下啦。我本身係想叫卡邦尼或者鮮茄炒烏冬，點知兩樣嘢都已經賣曬，下次我會早啲再去買烏冬或者卡邦尼嚟試，I’m not gonna give up。至於點解我咁執着要食到佢哋嘅麵類呢係因為我見佢哋開咗無耐，但嗰日啲麵類竟然咁快就sold out，想必一定係好正🫣🤤。P.S. 佢哋有張紙寫著話會開到23:00左右，所以都算快sold out得快。講返我最後叫咗咩先，我最後揀咗三文魚炒飯，佢嘅炒飯幾有鑊氣，最厲害係老闆碟炒飯做到油而不腻，兼且唔會太鹹，唔似出去食茶記炒飯咁，要一路食一路飲嘢飲先解到口渴。另外，值得一提嘅係喺落料方面佢哋無偷工減料，我幾乎每一啖飯入面都會有三文魚碎、煙肉、蛋或者洋蔥。呢幾樣嘢擺埋一齊真係好香好夾！😋希望呢間小店長做長有，始終有質素嘅小型食店賣少見少，除咗coffee shop 例外😛
Read full review
尋日收完工夜晚8點幾，好肚餓，路經悅湖商場，畀我見到賣半西式嘢嘅「小鎮廚房」有開張優惠，鍾意食西式嘢嘅我見到個價錢咁吸引就緊係要試下啦。

我本身係想叫卡邦尼或者鮮茄炒烏冬，點知兩樣嘢都已經賣曬，下次我會早啲再去買烏冬或者卡邦尼嚟試，I’m not gonna give up。至於點解我咁執着要食到佢哋嘅麵類呢係因為我見佢哋開咗無耐，但嗰日啲麵類竟然咁快就sold out，想必一定係好正🫣🤤。P.S. 佢哋有張紙寫著話會開到23:00左右，所以都算快sold out得快。

講返我最後叫咗咩先，我最後揀咗三文魚炒飯，佢嘅炒飯幾有鑊氣，最厲害係老闆碟炒飯做到油而不腻，兼且唔會太鹹，唔似出去食茶記炒飯咁，要一路食一路飲嘢飲先解到口渴。另外，值得一提嘅係喺落料方面佢哋無偷工減料，我幾乎每一啖飯入面都會有三文魚碎、煙肉、蛋或者洋蔥。呢幾樣嘢擺埋一齊真係好香好夾！😋

希望呢間小店長做長有，始終有質素嘅小型食店賣少見少，除咗coffee shop 例外😛
三文魚炒飯
$48
94 views
0 likes
0 comments
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Dining Method
TakeAway
Recommended Dishes
三文魚炒飯
$ 48