瀛喜日本料理 (Closed)

返工壓力大，最好嘅減壓方法就係約埋一班好同事喺放工之後大吃一餐， 順便呻下工作嘅壓力。位於交通廣場嘅《瀛喜日式放題》算係一個又坐得舒服，嘢食又好嘅餐廳。一坐低，各人就急不及待咁點嘢食， 睇睇下原來有成十三四張點餐紙咁多。第一樣要食嘅一定係刺身啦， 呢度嘅刺身選擇都有成十幾種。 特別推介嘅就係馬刀貝同油甘魚刺身， 馬刀貝非常之爽口， 食落又鮮甜。而油甘魚就好肥美， 獨特嘅魚香味十足。 另外甜蝦都非常大隻， 充滿蝦膏， 令人百吃不厭。至於壽司， 火炙壽司種種都不錯， 壽司飯細細， 啱曬我哋呢啲細食嘅女仔，可以食多幾舊。 火炙牛肉壽司好香好好味，燒得又夠香，加埋上面嘅京蔥同日式醬汁， 忍唔住要再encore。 另外花之戀壽司都唔錯， 三文魚好肥美， 配合買細細嚿嘅飯同bb沙律汁， 真係會令人忍唔住食多好多件。至於炸物， 一定要食嘅係芝麻雞翼。 芝麻雞翼嘅炸漿裏面混合大量芝麻， 食落夠曬香脆。 至於炸年糕食好煙靭， 食落唔會覺得好油膩。至於燒物方面， 燒三文魚頭都好出色。 魚皮燒得好香脆， 魚油流曬出嚟， 驚腥嘅朋友可以唧啲檸檬汁， 魚肉非常之滑溜， 鍾意食魚嘅朋友一定要試。至於燒茄子同埋焗扇