京阪屋 (Closed)

今次係得寶商場嘅food court入面搵食，呢到有好多選擇，有各國地方嘅美食，行咗一圈，終於都揀咗食日式嘢嘅京阪屋嚟試一試，佢主打係串燒加便當。 最後我揀咗日式鰻魚炒飯+雞肉串+紙包飲品套餐，個價錢係$48，個飯真係見到佢地係即刻炒嘅，味道好好，同埋竟然真係有鑊氣，講真，依家普通嗌一個炒飯都好少食到係有鑊氣，佢個調味都好好，所以個炒飯真係好有驚喜！ 另外個雞肉串淨係睇樣都覺得係有心機燒嘅，味道方面無失望，串燒入面嘅配菜都燒得好食，以呢個價錢食到呢個味道，今餐好滿足。不過留意返佢嘅份量唔算多，但以一個午餐嚟講都夠食嘅，所以都十分推介！