Video
Read full review
2020-10-28
207 views
旺角真係好多嘢食，有時多選擇反而唔知道食咩。行經女人街，當然已經無哂遊客，啲檔口都好冷清。以前多人行時根本係唔會見到條街兩邊有咩餐廳，要穿過啲檔口上番去行人路先到，而家走響馬路上已經可以見哂啲餐廳。以往兩旁有好多餐廳，不過今次行過，見到最少有兩成已經關門⋯⋯一路經過啲餐廳一路都未提起勁入去食，最終去到街尾（油麻地方向），見到泰國餐廳「泰角」。餐廳唔係好大（不過好似隔離個舖位都係佢），限聚令下只係放到4張4人枱，2張面壁二人枱。佢有散叫，但好似好鼓勵客人叫套餐，而佢啲套餐，的確係將最受歡迎嘅泰國菜式抽哂出黎。揀左泰角至尊二人餐 （＄288）另叫啤酒。哩個套餐選擇都好容易揀。另外因為叫套餐關係, 仲可以以$6一隻嘅價錢叫生蝦(六隻起)，我地叫左12隻!冬蔭功 – 有個酒精火熱住，辣度剛好，因為佢熱住嘅關係，飲到最尾嗰啲辣勁都仲響度，哩個細微位做得唔錯。泰角木瓜沙律（小辣）- 一黎到望落去好紅，仲以為會好辣，望真啲其實係紅色蝦米仔黎，少少辣，但係木瓜好清爽醒胃。飛天炒通菜 – 有少少甜味, 同埋唔係好夠鑊氣咁樣。小食拼盤 – 有雞串、春卷及咖喱角，老實講後兩者都係啲普通嘢，叫貨都有得叫，至於
一路經過啲餐廳一路都未提起勁入去食，最終去到街尾（油麻地方向），見到泰國餐廳「泰角」。餐廳唔係好大（不過好似隔離個舖位都係佢），限聚令下只係放到4張4人枱，2張面壁二人枱。
佢有散叫，但好似好鼓勵客人叫套餐，而佢啲套餐，的確係將最受歡迎嘅泰國菜式抽哂出黎。揀左泰角至尊二人餐 （＄288）另叫啤酒。哩個套餐選擇都好容易揀。另外因為叫套餐關係, 仲可以以$6一隻嘅價錢叫生蝦(六隻起)，我地叫左12隻!
冬蔭功 – 有個酒精火熱住，辣度剛好，因為佢熱住嘅關係，飲到最尾嗰啲辣勁都仲響度，哩個細微位做得唔錯。
泰角木瓜沙律（小辣）- 一黎到望落去好紅，仲以為會好辣，望真啲其實係紅色蝦米仔黎，少少辣，但係木瓜好清爽醒胃。
飛天炒通菜 – 有少少甜味, 同埋唔係好夠鑊氣咁樣。
小食拼盤 – 有雞串、春卷及咖喱角，老實講後兩者都係啲普通嘢，叫貨都有得叫，至於雞肉串肉地都算嫩嘅，加埋個串燒汁都幾惹味。
海南雞 – 味道唔錯，係一般海南雞嘅味道，不過有啲部分係偏 “鞋”。
生蝦沙律 – 頗爽口，口感幾新鮮，一次過食12隻好滿足。
黃薑飯 (無影相)– 幾好喎唔會太油。
雖然大部分嘅食物嘅味道都係無咩驚喜，不過起碼係預期嘅受港人歡迎嘅泰國美食嘅味道，所以總括而言印象唔錯，最驚喜嘅其實係分量，話就話係二人餐，兩個一樣咁大食嘅人就咁望都仲驚佢唔夠，點知食到最後係飽到捧住個肚出門口，以質量而言佢 CP值都幾高。
Post
