泰Grill (享和街)

星期日去完同學仔嘅生日會就去咗荃灣玩，喺呢頭發現咗我最愛嘅泰菜開咗分店，諗都冇諗就即刻走咗入去😂因為同小朋友一齊，所以我哋叫嘅嘢全部都唔辣，除咗爸爸媽媽真係好想食生菜包!最驚喜係星期日都有set lunch，咁我哋兩大兩細就叫咗一個set lunch再加啲小食。跟餐會有一碗冬蔭功好夠味，酸酸辣辣好開胃。原條菠蘿海鮮炒飯，有魷魚、蝦、青口、八爪魚，菠蘿仲好甜，好足料好啱小朋友食👍🏼去咁多間分店，我最愛嘅肉碎生菜包都係必叫，佢仲可以揀微辣，啱晒我唔食得太辣嘅人✌🏼肉碎唔止炒得香仲保留到肉汁，呢個好推介大家👍🏼我哋仲叫咗蝦餅同串燒，蝦餅啖啖肉，外面仲炸得好脆口，好正！串燒我哋叫咗豬牛羊各一，結果俾小朋友食晒😂最後唔少得嘅緊係甜品，食泰國嘢點可以冇芒果糯米飯? 芒果好甜，配埋軟糯嘅雙色糯米飯同椰汁，哥哥食唔停😎飲品我都推介大家試吓佢哋嘅泰式茉莉奶茶，好有茶香，又有淡淡嘅茉莉花香，好好飲！