稻八日式火鍋炸物放題 (Closed)

天氣突然凍了幾日，一聽到朋友約打邊爐，正合我心意。 原來之前我哋去開嗰間稻八放題，最近也有新攪作，就係外賣火鍋。 由食物到湯底也準備好，更可以加錢要調味料包。 而且可以電話WhatsApp ，更可代安排送到屋企，真係可以輕輕鬆鬆等食。 最好係有二人四人及六人份套餐，可以自己就番食量叫，湯底更有我至愛九洲豬骨濃湯，湯底帶有濃豬骨及甘香芝麻味，配海鮮及肉類也合適。餐廳分幾袋pack ，食物用透明膠盒裝，清晰見到食物質素非常高。 美國穀飼牛肉每片也帶有雲石般牛脂，焯一焯肉質十分嫩滑。 日本北海道滑雞片醃得入味，焯熟後肉質滑及好味，羊肉及豬肉也切成薄片，紋理清晰又新鮮。 最正就係有花膠，夠厚又大隻，食到停唔到口。