丸亀製麵 (Closed)

是晚6點半黎到樂富食丸龜烏冬。呢間自助形式日式烏冬店最適合節奏快嘅香港人用餐，首先揀選烏冬配料湯底，然後再選炸物，去收銀處付款。順帶一提，仲有幾款飯團賣咖！雖然友人誠意推介油豆腐湯烏冬，但經發現後豉油烏冬再加配$5@2塊油豆腐，會平過一碗油豆腐烏冬。烏冬可以隨意加炸碎，蔥花，薑，七味粉。烏冬屬讚岐烏冬，面質彈牙有口感。炸物方面選左魷魚鬚，炸粉唔厚超惹味$13~份量足夠1人前了。埋單食到超飽都係50幾蚊咋，抵食。