Victoria Restaurant

Open Now

Now Closed

今日收工過左旺角呢頭，同屋企人試左呢間西餐廳，cP值極高好想推介比大家。我地一人order左一個dinner set ,有餐湯，主菜同飲品。食得好滿足。餐湯雖然係普通紅湯但佢整得非常之不普通。超級多料之餘真美味，無味精。主菜我哋點左烤美國黑安格斯西冷牛扒扒身厚身，新鮮多汁，牛脂味好重，肉質爽口彈牙！薯菜都唔唔會令你失望。蔬菜新鮮，翠玉瓜，甘荀爽甜，薯仔原個分半上😋另外一個主菜大虎蝦紐西蘭草飼牛柳。大虎蝦非常新鮮爽甜，食隻蝦都覺得值回票價😇牛柳起厚身，烹調得非常好，肉質鮮嫩。餐飲熱朱古力特濃朱古力味，熱辣辣，天氣咁凍飲落去好爽。