名館 (Closed)

今日同朋友落堂後就過海唱k，完左好肚餓，就上左希慎12樓food court 睇下有咩食，發現原來仲有多2層，所以我地就揀左14樓最高層，食呢間中菜。環境裝修幾靚幾grand，食物都唔算太貴，可負擔，然後我地嗌左5樣餸。第一係燒魂妙齡鴿，份量岩岩好兩個人夠食，皮脆肉嫩，唔會太多油，岩曬女仔食。第二係紅油抄手，經典上海菜式，勁中意啲醬汁，酸酸甜甜，十分開胃，皮薄涵多，粒粒都勁大隻！第三係欖角肉鬆蒸秋葵，本身唔係咁鍾意食秋葵， 但係呢隻秋葵煮得好好，唔會有陣腥味，再加埋啲醬汁，配合得好。第四係黃金球泡飯，呢個外型勁有趣，外面係脆皮嘅球體做，裏面係浸住啲白飯，整爛佢之後浸住啲湯一齊食，口感好特別，有得玩又有得食，正！第五係牛柳粒，牛柳粒好重牛味，有獲氣，同薯仔嘅配搭好好，而薯仔啱啱好外脆內軟，食到停唔到口。