隼 (Closed)

今日去開megabox， 發現咗一間可愛嘅火車壽司店😍 童心未泯嘅我🤣當然忍唔住要入去試試。 呢間隼火車壽司就喺megabox 9樓， 喺正toysrus隔離， 帶小朋友去的話一定開心到飛起 隼列車$58係一個細細嘅魚生盛盒， 有海膽， 甜蝦， 三文魚籽， 三文魚粒和吞拿魚蓉， 附送三文魚頭麵豉湯， 非常之足料 蟹棒天婦羅$38炸得非常香脆， 香口又惹味😍 汁燒牛肉皇帝蟹棒$38第一次食呢個組合， 配搭得唔錯， 又幾襯喎👍 盛光冷麵$72呢個冷面有啲驚喜， 食嘅時候已經攤咗好耐， 點知咬落仲係涼浸浸， 好順滑好舒服😍😍😍 好適合夏天食👍 海膽醬隻燒左口裙邊壽司2件 $26適逢海膽祭， 店家推出咗一系列海膽壽司。 海膽醬好香濃， 加埋燒咗口裙邊魚，又鮮味又滑 芝士蟹蓋$38超多芝士， 又香又滑✨ 明太子鵝肝紫菜天婦羅$52鵝肝厚切大大片， 煎得很香很酥脆， 再加上紫菜天婦羅， 好味到爆炸👍👍👍 特盛大滿足$128壽司七貫， 有拖羅， 三文魚腩*2， 黑松露牡丹蝦， 油甘魚和帶子， 全部都好新鮮😍天婦羅脆脆和牛卷$50天婦羅脆脆令成件事口感好豐富， 再家上甜甜地嘅醬汁和牛， 瞬間就食曬😋隼