牛大人台灣火鍋吃到飽 (瓊華中心) (Moved) New Location

之前食過好幾次牛大人都覺得抵食又好味，今次呢間都依然keep到水準，揀咗極上和牛吃到飽餐依家晚市叫呢個套餐，每位客人都🉑選『夢王生雞蛋』或『醬油溏心夢王蛋』一粒，我哋揀咗溏心蛋，食落口感比較香甜，每位仲🈶免費澳州和牛牛丸2️⃣粒自助區🈶丸類、粉麵、蔬菜等等，飲品除咗有自家製冷泡茶之外，仲可以透過QR Code 免費order金桔椰果或冬瓜茶，亦可以加錢order其他飲品或酒湯底叫咗阿嬤養生濃湯鍋，十分足料，有多款火鍋配料可供選擇👉🏻蟹籽墨汁漿、牛媽秘製滷牛筋、鮮甜海蝦、私房鴨血（辣）、爽脆炸魚皮等，都十分美味，仲有芝麻➕花生麻吉燒，真係好多野食😍餐廳仲提供多款台式小食，包括梅甘酥脆薯、排骨酥、鹽酥雞、台灣香腸等等肉類都有好多選擇，包括羊、雞、豬➕牛，牛肉款式都好多，有安格斯特選牛板腱、美國PRIME極級肩里肌、安格斯一口牛肉粒、手切封門柳、澳洲和牛M5 牛肩卷、安格斯牛小排、SRF美國黑牛後腿肉、安格斯牛小排等等，我就最鍾意食牛小排，食落牛味香濃，口感香滑每人可以揀一款甜品，有Movenpick 、Häagen-Dazs 雪糕或仙草黑白配可供選擇，我哋就揀咗兩杯雪糕，真係非常滿足嘅一餐❤️