Video
Read full review
2018-11-17
308 views
今日約咗朋友在尖沙咀做facial，做完之後plan咗去吃韓燒，正當我地行去搵食嘅時候，突然朋友嘅boy friend 打電話畀佢，於是一個電話就把朋友撬走，只好嘆一句「重色輕友」。無法啦，得番一個人，唯有自己在附近逛逛搵食啦。唔想去商場d食肆，又唔想去food court，於是就係尖沙咀嘅橫街小巷左穿右插，忽然見到一間裝修古樸的台式麵店，門前仲有好多人排隊添，心諗應該差極有譜啦，反正有時間就去排埋一份。真係幸運指數爆燈呀，前面排隊嘅都係三五成群，只有我係一枝公，啱啱店內仲有一張兩人枱的吉位，於是等咗幾分鐘就可以入座，有食神啊！店內面積雖然不是很大，但裝修雅緻，座位安排唔迫夾之餘，而且仲好整潔，店主還在牆上安裝不少掛鈎，方便客人將物品掛起，咁就坐得更加舒服啦，真係好細心啊！採用開放式的廚房，前面有吧枱位可看到廚師煮食嘅過程，下次再嚟一定要坐。看到點餐紙上「台式小吃」有成10款咁多，其實樣樣都想試，不過今日只得一個人，就先點4款嚟試吓先。涼拌小黃瓜黃瓜咬落爽脆，醋味濃，酸酸地，非常開胃，而且有很多蒜粒，充滿蒜味，正！滷水溏心蛋半凝固的蛋黃加上嫩滑的蛋白，還帶有淡淡的滷水鹹香，空口食或拌麵
唔想去商場d食肆，又唔想去food court，於是就係尖沙咀嘅橫街小巷左穿右插，忽然見到一間裝修古樸的台式麵店，門前仲有好多人排隊添，心諗應該差極有譜啦，反正有時間就去排埋一份。真係幸運指數爆燈呀，前面排隊嘅都係三五成群，只有我係一枝公，啱啱店內仲有一張兩人枱的吉位，於是等咗幾分鐘就可以入座，有食神啊！
店內面積雖然不是很大，但裝修雅緻，座位安排唔迫夾之餘，而且仲好整潔，店主還在牆上安裝不少掛鈎，方便客人將物品掛起，咁就坐得更加舒服啦，真係好細心啊！採用開放式的廚房，前面有吧枱位可看到廚師煮食嘅過程，下次再嚟一定要坐。
看到點餐紙上「台式小吃」有成10款咁多，其實樣樣都想試，不過今日只得一個人，就先點4款嚟試吓先。
涼拌小黃瓜
$22
23 views
0 likes
0 comments
黃瓜咬落爽脆，醋味濃，酸酸地，非常開胃，而且有很多蒜粒，充滿蒜味，正！
滷水溏心蛋
$16
20 views
0 likes
0 comments
滷水溏心蛋
半凝固的蛋黃加上嫩滑的蛋白，還帶有淡淡的滷水鹹香，空口食或拌麵食都一樣咁好食，必試。
切豆干
$18
16 views
0 likes
0 comments
切豆干
軟硬適中，不會太乾、太實，有濃濃豆香，滷得入味。
百頁豆腐
$20
29 views
0 likes
0 comments
百頁豆腐
初看時有點像玉子豆腐，但沒有蛋味，咬落煙煙韌韌，豆味香濃，因表面有點蜂巢狀的小孔，所以滷水汁更能滲入，更加入味 ，值得推介。
川味紅燒三寶牛肉麵
$80
34 views
0 likes
0 comments
川味紅燒三寶牛肉麵
吃台式麵，首選當然是牛肉麵，自問是一個牛魔王，所以特別揀了「川味紅燒三寶牛肉麵」，可以一次過試勻牛腱、牛筋、牛肋條三款口味。牛肋條肉大大嚿、啖啖肉，中間有少少筋膜，有嚼勁，炆煮得非常香腍和入味。牛筋爽口夠腍唔黏口，咬落好有彈性，吃多幾塊，補充骨膠原啊！牛腱筋肉分明，厚薄適中，肉質腍，入口溶化。總之三款肉類各有特色，全部都好好味，好滿足。
至於麵底我就選了粗麵，略扁嘅粗麵咬落好有彈性，加上湯底味道清甜，牛味濃郁，濃而不膩，還帶少少藥材香味。據店家講這個牛骨湯是採用天然食材，並使用大量蔬果以文火熬煮，過程中無添加味精、牛骨粉及任何化學物品，難怪多喝幾口都唔會口渴。
冬瓜檸檬茶
$23
24 views
0 likes
0 comments
最後，叫多一杯冬瓜檸檬茶，少少檸檬酸味，幫助消化，不太甜，真係清熱解渴，透心涼，作為這餐的完美終結，prefect。
總括來說，餐廳食物質素高，價錢相宜，在尖沙咀區吃一頓美味又撐破肚皮的晚餐都只係$180，實在非常抵食，下次一定要call埋班friend再來食過。
Post
