Video
Read full review
2019-05-09
103 views
是日去完D2Place扮文青，行經呢間餐廳,見到間餐廳裝修乾闊落又多嘢食揀，就決定喺度解決晚餐。餐廳真係有好多唔同種類嘅食物，鐵板扒餐、中式套餐、蛋包飯等咩都有。嘢飲嘅種類都好多。我哋嗌咗一個原條鰻魚鐵板飯同巨人漢堡蛋包飯，加$20升級左做套餐，就會包埋蒜蓉包沙律同埋湯仲有嘢飲添，$20有咁多野，唔加真係對唔住自己呀～個餐加兩蚊就可以升級做特色飲品，呢杯係特濃火山紅豆華田，面頭鋪滿華田粉，下面啲紅豆粒粒分明又唔會太甜，正！朋友杯荔枝檸檬冰紅茶就不過不失。餐湯係羅宋湯，都幾多料下，酸度啱啱好，用嚟開胃唔錯。個沙律就新鮮，用嘅沙律醬係胡麻醬，胡麻醬份量都好多，啱晒鍾意食醬嘅我～（我知好肥⋯但⋯忍唔到口⋯）即烤蒜蓉包：竟然係厚多士嚟！仲要有兩舊添，呢$20會唔會加得太抵！重點係佢蒜蓉醬搽得好多，輕輕烘過熱辣辣主角到～闊佬蒲燒原條鰻魚鐵板飯：果然係闊佬，條鰻魚真係覆蓋晒個碟咁長，厚肉得嚟唔會腥，配埋我揀嘅燒汁，好味！發覺餐廳入面好多人都嗌鐵板飯，睇黎呢度嘅招牌黎~朋友嗌嘅自家巨人漢堡扒蛋包飯，佢話之前食過呢間嘅蛋包飯好味，所以encore。唔好睇佢塊扒望落好似好細咁原來係厚身嘅，味道都唔錯。個
餐廳真係有好多唔同種類嘅食物，鐵板扒餐、中式套餐、蛋包飯等咩都有。
嘢飲嘅種類都好多。
我哋嗌咗一個原條鰻魚鐵板飯同巨人漢堡蛋包飯，加$20升級左做套餐，就會包埋蒜蓉包沙律同埋湯仲有嘢飲添，$20有咁多野，唔加真係對唔住自己呀～個餐加兩蚊就可以升級做特色飲品，呢杯係特濃火山紅豆華田，面頭鋪滿華田粉，下面啲紅豆粒粒分明又唔會太甜，正！朋友杯荔枝檸檬冰紅茶就不過不失。
特濃火山紅豆華田
26 views
0 likes
0 comments
餐湯係羅宋湯，都幾多料下，酸度啱啱好，用嚟開胃唔錯。個沙律就新鮮，用嘅沙律醬係胡麻醬，胡麻醬份量都好多，啱晒鍾意食醬嘅我～（我知好肥⋯但⋯忍唔到口⋯）
跟餐沙律及餐湯
13 views
0 likes
0 comments
即烤蒜蓉包：竟然係厚多士嚟！仲要有兩舊添，呢$20會唔會加得太抵！重點係佢蒜蓉醬搽得好多，輕輕烘過熱辣辣
即烤蒜蓉包
12 views
0 likes
0 comments
主角到～闊佬蒲燒原條鰻魚鐵板飯：果然係闊佬，條鰻魚真係覆蓋晒個碟咁長，厚肉得嚟唔會腥，配埋我揀嘅燒汁，好味！發覺餐廳入面好多人都嗌鐵板飯，睇黎呢度嘅招牌黎~
闊佬蒲燒原條鰻魚鐵板飯
$68
13 views
0 likes
0 comments
朋友嗌嘅自家巨人漢堡扒蛋包飯，佢話之前食過呢間嘅蛋包飯好味，所以encore。唔好睇佢塊扒望落好似好細咁原來係厚身嘅，味道都唔錯。
自家巨人漢堡扒蛋包飯
$54
17 views
0 likes
0 comments
自家巨人漢堡扒蛋包飯
$54
42 views
0 likes
0 comments
另外嗌咗一個小食，脆香炸雞鎚拼蜜糖柚子雞翼。蜜糖柚子醬同雞翼嘅配搭真係好match。炸雞鎚就不過不失，不過食得出係即炸，熱辣辣。
脆香炸雞鎚拼蜜糖柚子雞翼
$32
8 views
0 likes
0 comments
總括嚟講，呢間餐廳嘅套餐真係抵食到不得了，未試過加$20可以多咁多嘢食，食物質素仲要唔差。行經荔枝角嘅朋友仔可以試試佢～
Post
