潮食街 (Closed)

成班同事一齊食buffet, 又唔想太貴，於是選擇了去潮食街。地點在新蒲崗，有點辟，但估唔到去嗰晚係十分多人，好滿座。環境走型格路線，都幾舒服。食物方面，選擇唔算好多，最驚喜係依個價錢竟然有即開生蠔，其他海鮮有青口，長腳蟹，凍蝦等等，都幾新鮮。另一樣就係燉湯，必飲，我飲左兩盅, 鮮甜，好足料仲有一個滷水檔，有各式滷味，係其他自助餐比較少有的。甜品款式多，最開心係有即焗迷你芝士撻, 好多人排隊，每次出得好少，想食就要留意住喇。埋單三百幾蚊一位，超抵食啦!