IS Café (Closed)

搵食搵到去香港仔黃竹坑，如心南灣海景酒店入面的LIS cafe。有咗南港島線之後，入黃竹坑都唔係好遠姐。我知道呢間餐廳之前係推出半自助晚餐，不過七月開始自助餐重新供應，今期主題係花膠同龍蝦海鮮，所以每位食自助晚餐嘅食客，可以有一份花膠或者龍蝦。個人認為龍蝦好惹味，因為上面鋪滿蒜蓉。花膠就好滋補，而且都炆得幾淋。除此之外，自助餐有即煎牛扒、麵檔、即炸天婦羅、壽司刺身，仲有蒸魚一大條，久不久都會refill。凍海鮮有新鮮彈牙的海蝦，蟹腳等等。自助沙律吧，幾企理衛生。甜品區近餐廳入口，選擇唔算十分多，桂花糕幾好味，我竟然miss左焦糖燉蛋，因為已經冇晒了。