醋娘子 (Closed)

星期三晚收工，去咗上環陪媽咪買海味，行去附近搵咗一間餐廳食晚飯，個名好特別叫做醋娘子，令人印象深刻！入到去d店員好親切好好招呼，而且估唔到平日餐廳都咁多人黎食，好滿座！酸辣湯，酸酸辣辣好開胃，都幾大碗足料，一碗兩個人飲都夠。口水雞一定要食，店主好細心已經起晒骨啖啖肉，雞肉爽身，蒜蓉鋪面，個底座用青瓜墊住，青瓜吸埋d雞汁同麻辣，無得頂我好鍾意食海蜇，呢間店其實做得幾好又爽又彈牙。水煮魚好足料，魚片好大塊又滑，仲好細心用火熱住比客人慢慢食，因為如果凍左真係唔好食ga。蒜泥白肉，店長又係好大方，用左青瓜絲墊底，醋加蒜比例十分完美，令到我地食唔停口。最後黎個，鐵板肉碎燒茄子，味道好好，茄子吸收左d醬汁，送飯一流價錢好平又正宗又足料，CP值好高，下次一定會再黎食