牛扒先生 (新都會廣場) (Closed)

想食自助餐，但對女士們，可能會擔心食少少就飽，相信有部份女士們，都會有一樣既煩惱，但又係好掛住，可以一次過食好多款既感覺，可以點做🤔🤔小妹介紹一個好方法比你，半自助餐可以唔太飽又食到好多款，而且價錢比起自助餐平好多，當然唔係自助魚蛋燒賣啦🤣今次推介嘅係環境舒適，而且擁有優質食物質素，空間感都一流嘅@mrsteakhk , Mr.steak 有好多間，今次我就揀咗葵涌新都會廣場嗰間，無論由入去，點餐，進食，店員都招呼周到，真係受寵若驚，要俾個讚讚佢哋👍👍我哋點左主菜，法國芝士焗龍蝦配英國豬柳扒，仲有法國芝士焗龍蝦配SRF牧場牛扒， 豬扒屬厚切肉扒，真係啖啖肉，豬扒有咬口，肉汁鎖住喺肉入面，每一啖肉汁都滲透住我嘅味覺😗😗由於我唔食牛，但係朋友同我講返，牛扒熟到啱啱好，廚師控制得非常出色，而且芝士焗龍蝦，真係非常嘢味，味食，聞到都流口水好嘢梗係唔止咁少，仲有頭盤海鮮拼盤，店員拎出嚟，周圍啲人都望住，流露住被誘惑目光😍😍，因為真係好足料，兩個人都食唔晒，生蠔非常新鮮，完全唔腥，食到清新的海水味成餐飯都食得好開心，好耐冇食過咁高質素嘅晚餐，大家都可以試吓🥰🥰🥰