生記粥麵 (Closed)

忽然想食清湯腩，上網搵一搵好多人推介生記。初頭見佢係粥麵店仲有d擔心。不過今日出開去果邊就順便去試下😚因為重點想食清湯腩，所以就叫左個淨清湯腩冇連麵。再叫左個豬潤豬同腸粉。食物來到，先俾碗粥既份量嚇親，多到爆出嚟🤣。第一時間試左個腩先，好淋好重牛味，連食開濃味野既友人都讚。豬膶好爽口，d味滲晒落d粥度，而且成碗粥充滿住豬潤，人d都唔慳料。另外腸粉正常，重點夠熱。見網頁寫店舖經常客滿，但可能最近疫情關係，我哋四點食完野已經見冇客。