生記粥麵 (Closed)

早幾日在網上見到話呢間粥麵舖做到呢個星期日（6月18日）就結業唔做，話好可惜，我上openrice睇過話得兩間，快結業嘅呢一間起旺角，另一間起北角。北角就少去，旺角就間中會去，咁啱尋日（6月15日）去開旺角，反正未食過，於是就順便嚟呢間食嘢。入到嚟，由於係中午12點幾，雖然落住雨，但都有8成滿，大檯就張張都有人，我見到最入，廚房邊有張雙人檯無人，啱晒，唔使搭檯，正！👍💓坐低睇個餐牌先至佢唔只得兩間，原來總店係上環生記，上環嗰間我食過好幾次，嗰間可以用行人如鯽去形容㗎。餐牌望落好似好多嘢咁，但實際係唔多選擇，粥只有生滾粥，艇仔、碎牛、豬紅呢啲全部無，麵只有牛三寶及潮州丸類加埋鯪魚球及蘿蔔，雲吞、水餃、豬手、炸魚皮通通都無。腸粉得齋腸，無炸兩亦無炒麵，只有炒米粉，油器只得油炸鬼。粥與麵之間，我選擇咗至愛嘅及第粥，無我至愛嘅炒麵，唯有選擇米粉，一共$63。米粉加咗豬肉碎去炒，味道一般，而最大問題係無油，變咗唔夠滑，有啲乾身，而且用嘅唔係新竹或泰國米粉，質地碎濕濕咁，，唔得煙韌，唔係咁好食。至於碗及第粥，唔知大家睇唔睇到有啲咩咁特別？係碗粥面無加薑葱絲，葱絲係另加豉油，用個碟仔裝畀你，呢個做法

生記既粥麵不嬲都出名，個鯪魚肉餅真係必食😋👍🏽正！$19三件，啱啱煎好勁熱辣辣，外表都脆口，內𥚃係有啲煙煙韌韌既口感。夾啱煎好勁好食腸粉$19 ，發揮正常，唔算平肉丸粥係加大咗，好味！同人share 食啱啱好~牛腩麵個湯底好清麵底彈牙，無乜鹼水味。個略覺得個麵分量唔算多埋單130有找

粥好軟綿同甜甜地，幾結身同幾清新，餡料估唔到會咁足料咁多，嗌左魚腩豬潤粥，魚腩都有成5.6舊，加埋潤都一啲都唔腥，又滑又幾鮮甜又易起骨，先三十幾蚊一碗，又夠綿，真係邊到搵呀⋯

最後一碟炒米粉明知成碟都冇米粉仲要碎濕濕都照賣俾我。諗住唔緊要照食。 話俾扎辮嗰阿姨聽，仲要同我講話有啲人鍾意嗎。不知所謂。又冇禮貌。仲俾佢鬧我，你唔曉出聲？話唔要？做左你地咁多粉絲多年，而家可以绝交了。

琴晚同朋友係油麻地做完野，跟住帶左我去生記食粥，平時都有係其他食開粥鋪，不過呢間食落係有啲特別，我同朋友點完粥之後，我朋友話呢度啲粥食完唔會口乾架，果下都係聽完就算！我點左份鯪魚鮮雞粥，唔記得個名係咪咁🤣食落真係有啲surprise😍我一撩，好多料。。。8舊魚肉仲有好多雞，雞食落係岩岩熟好嫩滑，仲有少少酒香味，堅好食！！！魚肉都一樣好好食😬粥低都好甜好清，食完又真係唔會口乾，有少少美中不足嘅係料多粥少🤣無計。。。哈哈！

早幾年這間粥店係我至愛粥店之一！最近約咗朋友光顧後、有點失望！至失望係油炸鬼！唔脆又唔好食（好似放咗好耐咁）！雖然粥料新鮮！可惜粥底越食越出水！食後還覺口渴！！環境又嘈、又迫！！想落單、但樓面姐姐視而不見咁款！希望有待改善！！

油麻地真係無咩好粥食，每次想食清清地食粥嘅時候就會稔起生記嘅魚腩粥，新鮮魚腩配上綿綿粥底真係病人嘅必選。但係好可惜魚腩粥每次都好快賣曬，今次食唔到魚腩粥之下唯有叫左個雞粥，再加份魚餅。$44黎講碗雞粥真係幾大，但係好可惜一入口已經覺得味道好鹹，更加離譜嘅係，佢嘅所謂雞粥入面全部唔係雞件、而係一件件醃過嘅雞柳。講真雖然$44都知唔會係新鮮雞，但都無稔過會係呢啲雞柳….所以成碗野根本無雞味，只係一碗鹹嘅粥再放啲鹹嘅雞柳落去😨個魚餅都係好誇張，個size得返以前食開嘅一半老實講如果無魚粥食，都可以唔洗再幫襯呢間野😡

想吃粥便會想起生記, 兩年沒來, 價格稍微上調, 感覺合理。1) 皮蛋瘦肉粥 (袖珍) $342) 炒米粉 $18袖珍版的皮蛋瘦肉粥大大碗, 入口不能心急, 會燙口。粥底依然鮮甜, 皮蛋香滑。之前吃過袖珍版的鮮豬肉丸粥, 一碗有8粒肉丸, 因肉丸大粒又佔空間, 粥量略嫌不夠, 是次選了皮蛋瘦肉粥, 粥餸比例得宜。吃粥多會配小食, 是次點了炒米粉, 可一味兩吃。炒米粉有少量椰菜和紅蘿蔔同炒, 雖微暖和有少少油, 但炒得香口。自小喜歡將炒米粉, 炒麵或炒飯浸粥同吃, 不知從何學會這樣吃, 但這樣的配搭可增加口感, 食到炒粉麵飯炒香的味道之餘, 掛上綿滑粥, 份外滋味。

唔知點解呢排個人突然開始鍾意食粥，所以朋友帶左我黎呢間舊式粥舖試下。今次黎到每人叫左一個粥，分別係牛肉粥及雞粥，另外再配個懷舊豬腸粉（$18）牛肉粥叫左個正常份量既牛肉粥，入面既牛肉片又多又大片，而且質感嫩滑，配埋佢地提供既蔥豉油，味道會再鹹鮮一點；而粥底本身亦都好夠熱同埋好綿，成碗野食完係會好飽雞粥雞粥同牛肉粥既份量同粥底一樣，而且雞件同樣又多又大件，不過不得不讚既係，佢既雞件全部都係去左骨既，要知道食粥時都係大啖大啖咁食，而且通常唔經嘴嚼的，所以去骨雞件就相對可以食得方便又放心，同時亦都唔駛擔心有碎肉係粥入面既情況拉。懷舊豬腸粉（$18）豬腸粉都係好有份量，而且腸粉好滑，唔會有好粉，好易散開既情況出現。白蘿蔔又大好大碗，配埋清湯，食蘿蔔原汁原味，多汁冇渣。基本上我對呢度既野食都好滿意，因為啲野食真係份量十足，而且材料亦一啲都唔吝嗇，肉都比得好足，岩埋我呢啲食肉獸。

呢幾日開始涼返啲，收工凍凍地就想食返啲熱辣辣既晚餐暖一暖身，經過生記，見到門口張貼左好多篇報導仲有老闆同蔡瀾先生既合照，先知道係上環老字號粥店既分店，諗都冇諗就入左去舖頭一試佢既水準！🥣入到餐廳點左一碗鮮鯇魚腩粥（$47）粥底好綿滑仲有啲白果添，魚腩有厚度得黎口感好實在而唔係平時一般粥店食到薄到一夾就好易散開既魚肉。用料非常新鮮，冇魚腥味，再配上薑蔥豉油，簡直係為呢碗粥再提鮮一點，將呢碗粥既層次再昇華🤩今餐真係好滿意下次試試佢既及第粥同豬腸粉先😍

粥品老店，上環店開始起家，依家已經有好幾間分店啦！最出名就係魚腩粥～🔸魚腩及第粥配料十分之豐富！魚腩，粉腸，豬潤，豬肉丸，雞心，每樣都有3大塊！魚腩，肉質鮮美。雖然厚切，但食落自然嫩滑，絕對唔鞋口。值得一題，店員會送上薑蔥豉油，為魚肉去腥～豬潤，談不上厚身，但厚薄適中，火候控制得剛剛好，豬潤濃郁味道入口甘香。豬肉丸，自家製肉丸，超級彈牙，十分有咬口！另外雞心爽脆，粉腸鮮嫩。所有配料都好有質素！至於粥底方面，粥底綿滑，米都煮到開花。不過並不是想像中咁出色，食到尾聲開始出水。有d失色。總括🔹價錢比起其他粥店略貴，但用料上乘，師傅處理材料功夫好好！

呢間小店好巴閉，每逢星期日及公眾假期休息。以前星期一至五都人頭湧湧，以至我雖然經常在油麻地出沒，都只是吃食過一次粥。印象中，粥很綿，料很多。數年後的今日，忽然又想起，立即去試試。環境 : 不變，有點懷舊氣息。清潔度可以。不知是否受疫情影響，只見數個客人。服務 : 一般街坊服務，不用期望，沒有失望。要小心漏單。食物 : 牛肚同麵都好爽口，蘿蔔則吸收了清湯底的精華，軟腍清甜，沒有渣和根。👍👍👍👍價錢 : 正常

買兩碗粥一隻粽加個腸粉外賣拎走，等得耐都無所謂，之後返到屋企打開個外賣係無粽嘅，得個白飯，打電話過去已經關左門，18蚊買左白飯……阿姐姐你下次包外賣睇清楚先啦。

極少吃粥，不過偶然也會吃上一碗，特別是好味的粥，更是令人滿足。前陣子天氣沒有熱得那麼惱人的時候，某一天我就來到這間「生記粥麵」，吃了一碗好粥。這間上環名店「生記粥品專家」的油麻地分店，我還是第一次幫襯，對它的印象可是非常良好，覺得這天吃的粥沒被上環老店比下去。我吃的是「魚腩雞粥」（$55），魚腩鮮、雞肉滑、粥底綿，而且味道也好，配以另叫的「油條」（$9/碟）和另上的「薑蔥豉油」，讓人吃得既飽肚，又滿足。雖然這裡的油條不是新鮮炸起，並不脆身，但把已切成數段的油條放進熱騰騰的粥裡，讓油條內充滿著美味的粥，那滋味仍然教人感到溫暖窩心。佐敦和旺角雖然也一樣有靚粥可吃，不過要是在介乎這兩區之間的油麻地，這間「生記」應該會是我的首選。

唔使諗㗎啦超水準足料⋯冷氣勁⋯服務態度非常好⋯通常都好多人㗎午餐所以預早少少⋯極力推薦！好味！歷史悠久上環食開⋯唔使去港島方便快靚正一出地鐵站轉過彎就到😬最重要好食！又細心蒽花豉油另上經典腸粉夠滑☺️我每次都係食及第粥正到呢😋唔使諗咁多食粥一定系佢繼續努力！