好燒式串燒專門店 (砵蘭街)

Open Now

Now Closed

上次去咗太子分店食串燒， 覺得好好食， 夜晚又唔使食澱粉質咁飽。 今日經過旺角見到有分店，心思思又想再encore😋聽姐姐講適逢好消息串燒專門店十週年紀念燒龍蝦有特別優惠$78(半隻) 芝士燒龍蝦估唔到size超大隻，芝士香軟微微燒焦， 龍蝦新鮮多汁， 連個頭都爆糕😍😍香煎鵝肝配紅酒汁兩件厚切鵝肝大大份， 表面煎得香脆， 口感幼滑， 配上脆卜卜嘅多士， 又有紅酒汁解油膩， 可減低罪惡感😁鹽燒牛舌串識食梗係要點啦， 非常之軟滑juicy， 淡淡嘅鹽燒味， 唔會搶咗個牛舌香味，絕呀🤤特色蒜蓉包四片厚切嘅蒜蓉包， 蒜味香濃， 如果可以再燶啲更好，再配上原個焗蒜頭， 放係面一齊食用， 雙重蒜香享受泰國蘆筍(一份) 呢個有驚喜， 蘆筍超幼嫩， 咬落一啲揸都冇， 而且燒得好juicy👍燒韭菜花韭菜花亦都好新鮮幼嫩👍冇返咁上下新鮮， 真係咬落一口渣。燒蒜蓉茄子(原條) 一如既往的好，蒜香和淡淡孜然味，香口又惹味燒日本芝士年糕咬落軟淋淋，芝士又多又軟滑，少少一件，飽足感滿滿好燒式串燒專門店係我食串燒嘅不二之選， 串燒嘅選擇非常多， 而且價錢大眾化， 地點又方便就腳， 無論晚餐或宵夜都好值得推介。