聚Chill

Open Now

Now Closed

閒日夜晚七點幾來到，要等一陣間位。餐廳比較細，但都坐得舒服唔會太窄。裝修簡潔乾淨，木色為主。樓面得一個人，但侍應細心有禮貌。叫咗一個帶子蟹子白汁意粉同埋蒜蓉辣椒蝦意粉，加一個番薯薯條。佢啲意粉煮得啱啱好，唔會太硬，唔會太軟。蒜蓉辣椒蝦意粉少少辣，仲有炸乾蔥炸蒜喺面，幾香口。帶子蟹子白汁意粉，夠味好食。大推番薯薯條，新鮮炸起，外脆內軟。好有番薯味，面頭灑左啲糖，加埋黑松露蛋黃醬，好夾好好食，仲要淨係二十幾蚊！抵！意粉每碟大概50，抵食吖。會再幫襯。