喜惶點心專門店

Open Now

Now Closed

一班人通常諗唔到食咩都係去飲茶，但去晚市酒樓飲價錢又貴，幸好有d專門賣點心既鋪頭，乾蒸牛肉燒賣皇燒賣非常足料，幾乎成個都係牛肉黎。燒賣食落個味道有少少似平時d山竹牛肉球，口感彈牙，而且唔乾。山竹牛肉球  牛肉球一樣咁足料，同前面個牛肉燒賣皇有少少似，不過多左層陳皮既香味。鮮肉灌湯小籠包真係做到皮薄得黎入面又有湯汁，裏面d豬肉餡料吸收埋d湯汁既精華，正！不過食既時候要小心d，因爲太多湯汁既關係，咬落去係爆汁，而且非常熱。  車仔混醬布拉腸粉無任何餡既腸粉最重要就係食腸粉本身，個醬都只係畫龍點睛既部分。腸粉係非常滑，個醬係芝麻醬溝豉都已經好好味。芥末沙汁三文魚春卷第一次食春卷係有三文魚，加上芥末同沙律醬又意外地幾夾，少左春卷又油膩感。雪山叉燒包叉燒包好足料，一咬就已經食到啖啖既肉，食落有少少流心既感覺。總括而言，點心價錢合理得黎質素又高，係用餐期間都聽到有唔少街坊叫外賣，咁多街坊幫襯就知質素一定有保證啦。