磯の水產

Open Now

Now Closed

喺觀塘海濱影完日落，行去附近食個晚飯。日本粉見到間咁靚咁有特色居酒屋，一定入去試下。入面座位寬敞，坐近落地玻璃，可以一邊嘆住外面靚景嚟享受美食。食材新鮮，餐牌選擇琳瑯滿目，除咗刺身，有炸物，燒物，Sake….. 最正係冇限用膳時間，可以約埋三五知己嚟chill 下。~~~~~~~~~~~~~~~~~~~~~~~~~~~~~~💫 刺身拼盤（5種） 刺身好新鮮，件件肥美厚切，入口好有鮮味，成盤刺身擺放得好精美，鐘意打卡既食貨，一定心心眼啦。💫牛油果沙律 牛油果控，可以大啖大啖咁食，芝麻沙律醬和新鮮牛油果和蔬菜一齊食，美味しい。💫炸魷魚圈新鮮炸出黎, 呈現金黃色，炸粉同魷魚無分開，口感香濃酥脆 。💫燒海鰻蒲燒鰻魚丼鰻魚，香味十足！鰻魚肉質好嫩滑而且帶有微微嘅焦香味，重點係鰻魚汁，味道啱啱好夾到鳗魚，唔會搶晒魚鮮味。💫野菜烏冬清湯底烏冬煙靭，入口有嚼頭，蔬菜甜鮮甜，好健康。💫辛辣炸豆腐一口豆腐，外層炸得好乾身，一點都唔會膩，豆腐質感嫩滑。