Deep Sea Oyster & Steak

Open Now

Now Closed

收工想同朋友輕鬆聚一聚傾計，於是搵到一間位於山林道銀座既格調餐廳。餐廳以黑色及深綠色為主調，而且有落地大玻璃配昏暗既燈光，相當有格調。餐廳每日都有唔同款式既生蠔，老闆精心挑選而且每日直送香港，所以吸引好多客上黎試生蠔。法國Schaller 綠寶石N3入口已經有濃厚蠔味，蠔身肉質爽口而且帶有礦物質味，非常新鮮。安格斯牛肉薄燒 呢個都幾有驚喜，安格斯牛肉出名好食係人都知，上枱已經聞到香噴噴燒牛肉味，淋上醬汁之後，一啖咬落去好juicy，中間仲夾左啲香蔥，好食👍🏻鵝肝多士呢個我同朋友share 一人一半，鵝肝上面淋左少少黑醋汁，中和左油膩感。鵝肝油香入口慢慢溶化，多士脆卜卜帶牛油香味，大推❤️❤️松露蟹膏意粉松露愛好者必點！意粉掛滿松露同埋蟹膏蟹肉，一上碟已經聞到好香松露味，蟹膏濃郁不腥，我同朋友極速清左呢碟意粉，大推。最後我同朋友逗留左兩個鐘先走，坐得好舒服，氣氛昏暗又有格調，同朋友都可以好放鬆係度食野傾計。