Video
Read full review
2018-01-09
81 views
CP值超高的鐵魚川式食堂 - 今日得8度，天氣咁凍最啱就係打邊爐，唔想淨係打邊爐咁悶，先食完麻辣魚鍋，再打邊爐，有海鮮有牛肉，真係好正！😋😋呢度主要分3個價錢，$198，$268同$398，價錢唔同嘅分別係食嘅時間長短唔同外，每項可揀嘅嘢食物都會唔同，貴d當然選擇多d同無限追加啦今次我小試牛刀，試個最平嘅$198，可以食90分鐘，啱啱好夠時間食晒d嘢，而且仲要食到飽到上頭皮🤗，除非係比較大食，如果唔係，$198真係已有夠晒。魚鍋方面揀咗鐵魚麻辣烤魚🐟，第一次嚟當然試試signature 嘅麻辣，揀咗江團魚🐟，店員推介話比較滑一上檯見到都好大條🐟，滾咗後，店員會細心幫你切開一舊舊一試，條江團魚🐟真係好滑，滾極都唔鞋嘅，又唔多骨，正！中辣都唔會太辣，湯底夠香又好味。除咗條完條江團魚外仲有金菇，紫洋蔥，鮮冬菇，雞脾菇，芽菜，芫茜等，配菜份量都幾多，配菜吸咗d汁好正！食完條魚同部份配菜後已經飽咗一半！除咗條魚外呢個價錢仲包咗以下嘅嘢4款前菜- 魚情味豆芽，少少辣- 跳水木耳，酸酸地，幾開胃- 嫩七八草，即係沙律茶配芝麻醬- 手撕包菜，即係麻辣椰菜4款海鮮，自選只可叫一次，真係樣樣海鮮都正- 花
呢度主要分3個價錢，$198，$268同$398，價錢唔同嘅分別係食嘅時間長短唔同外，每項可揀嘅嘢食物都會唔同，貴d當然選擇多d同無限追加啦
今次我小試牛刀，試個最平嘅$198，可以食90分鐘，啱啱好夠時間食晒d嘢，而且仲要食到飽到上頭皮🤗，除非係比較大食，如果唔係，$198真係已有夠晒。
魚鍋方面揀咗鐵魚麻辣烤魚🐟，第一次嚟當然試試signature 嘅麻辣，揀咗江團魚🐟，店員推介話比較滑
一上檯見到都好大條🐟，滾咗後，店員會細心幫你切開一舊舊
一試，條江團魚🐟真係好滑，滾極都唔鞋嘅，又唔多骨，正！
中辣都唔會太辣，湯底夠香又好味。除咗條完條江團魚外仲有金菇，紫洋蔥，鮮冬菇，雞脾菇，芽菜，芫茜等，配菜份量都幾多，配菜吸咗d汁好正！食完條魚同部份配菜後已經飽咗一半！
除咗條魚外呢個價錢仲包咗以下嘅嘢
4款前菜
- 魚情味豆芽，少少辣
- 跳水木耳，酸酸地，幾開胃
- 嫩七八草，即係沙律茶配芝麻醬
- 手撕包菜，即係麻辣椰菜
4款海鮮，自選只可叫一次，真係樣樣海鮮都正
- 花蛤有好多隻，勁鮮甜呀😍😍😋😋，一定要叫
- 聖子皇x4 (加$10)，唔算勁大隻，但好鮮甜，正😋😋
- 托托蜆x4，大大隻，幾好味
- 鱔片x2，大大片，都不錯呀
4款牛及肉，自選4款，只可叫一次
- 手切牛腰脊🐂(加$18)- 油香d
- 手切安格斯牛🐂(加$38)-好香牛味呀，好淋
- 黑豚腩片-好薄片嘅，ok 嘅
- 芝士雙響，咬開，中層有流心芝士，正！
蔬菜類只可以叫一次
- 金菇，唐生菜，其實都好吸汁，但娃娃菜吸得最勁，粟米好甜！其實真係太飽，食唔晒d菜，好在無叫太多！
飲品
$28可任飲以下2樣自家製飲品或汽水
- 菊花薑蜂蜜茶- 甜甜地，所講嘅味全部都有，又幾夾喎
- 紅桑梅蜜-唔係太甜
Post
