吉豚屋吉列豬扒專門店

Open Now

Now Closed

是日到荃灣去接朋友仔收工， 喺經濟低迷嘅情況底下，都係錫住荷包仔好啲，但又唔想求求其其又一餐， 就試下cp值高嘅吉列豚飯喇！兩個人食到撐住肚走都只係一百頭咋！我點嘅係招牌滑蛋吉列豚肉飯（49蚊），賣相就無咩特別， 上台時都仲熱辣辣，豚肉size都有手掌咁大， 表面炸得色澤金黃香脆，唔會油膩，豚肉質感都還可，少少juicy又唔會乾。滑蛋部份有小驚喜，因為佢熟蛋之中保留左生蛋黃， 搞匀拌飯食幾有日本風味， 加埋有燒汁同洋葱， 都算幾惹味，但當然就談不上驚艷喇！至於朋友就點左吉列三重奏便當（65蚊）， 有炸蝦、炸雞、炸豬，配有三種醬料，嘴刁嘅朋友話蝦麻麻，似用梳打粉發過， 其他炸物表現尚可吧！反而啲椰菜幾新鮮清爽，配醋汁食不錯，岩晒用嚟解膩，整體嚟講，三重奏配埋飯及湯嘅份量幾多，女仔好難一個人食晒，所以CP值係高嘅！埋單時仲見好多人排隊等外賣，外賣仲有85折添， 呢啲抗疫優惠真係難得。